Baş Prokurorluq Ağdamda insan sümüklərinə bənzər skeletin aşkarlanması ilə bağlı məlumat yayıb.
Baş Prokurorluğun Mətbuat Xidmətindən verilən məlumata görə, iyunun 12-də Ağdam rayonu, Maqsudlu kəndi ərazisində insana məxsus olması ehtimal edilən sümük fraqmentlərinin aşkar edilməsi barədə rayon prokurorluğuna məlumat daxil olub.
Dərhal prokurorluq əməkdaşları tərəfindən kriminalist və ekspertin iştirakı ilə hadisə yerinə baxış keçirilib, baxış zamanı aşkar olunmuş sümük qalıqları ekspertiza və laborator müayinələrin aparılması məqsədilə müvafiq qaydada götürülüb, eləcə də digər zəruri prosessual hərəkətlər yerinə yetirilib.
Faktla bağlı Ağdam Rayon Prokurorluğunda araşdırma aparılır.
* * * * *
Ağdam rayonunda insan skeletinə oxşar sümüklər aşkarlanıb.
Oxu.az-ın məlumatına görə, hadisə rayonun Maqsudlu kəndi ərazisində qeydə alınıb. Kənd ərazisində qazıntı işləri aparılarkən skelet qalıqları aşkar edilib. Əraziyə hüquq-mühafizə orqanları əməkdaşları cəlb ediliblər.
Faktla bağlı araşdırma aparılır.
Şahidi olduğunuz hadisələri çəkib bizə göndərin!
Son Əlavə