Ukrayna Müdafiə Nazirliyinin Baş Kəşfiyyat İdarəsinin (QUR) kiberspesialistləri kiberaktivistlərin dəstəyi ilə uğurlu əməliyyat həyata keçirərək Sibirin ən iri internet-provayderlərindən biri olan "Orion Telekom”un fəaliyyətini iflic ediblər.
UNİAN-a danışan xüsusi xidmət orqanlarındakı mənbənin sözlərinə görə, bu provayderin şəbəkələrindən Rusiya güc strukturları Ukraynaya qarşı təcavüz əməliyyatları üçün fəal istifadə edir. "Orion Telekom”un yeganə provayder olduğu və uran hasilatı ilə məşğul olan qapalı bir şəhər rabitəsiz qalıb.
Mənbənin bildirdiyinə görə, elə səhər saatlarından etibarən Krasnoyarsk, İrkutsk, Bratsk və Abakan şəhərlərinin yerli sosial şəbəkə səhifələrində internet və televiziya xidmətlərinin kəsilməsi ilə bağlı narazılıqlar yayılıb. Yerli teleqram qruplarında internet-provayderə guya ukraynalı hakerlər tərəfindən göndərilmiş məktub dolaşır.
"Bayramınız mübarək, hörmətsiz ruslar, tezliklə daş dövründə yaşayacaqsınız və biz sizə kömək edəcəyik. Ukraynaya eşq olsun!” – deyə "BO Team” haker qrupunun adından imzalanmış məktubda qeyd olunub.
Şirkət də texniki nasazlıqların DDoS hücumu ilə əlaqəli olduğunu təsdiqləyib. İnternetin günün sonunadək bərpa olunacağı vəd edilib.
Kəşfiyyat mənbələrindən əldə olunan məlumata əsasən, kibertəhlükəsizlik əməliyyatı nəticəsində 370 server və təxminən 500 şəbəkə kommutatoru sıradan çıxarılıb, həmçinin ehtiyat nüsxələr (backup) silinib. Bu isə provayderin işini tez bir zamanda bərpa etməsinə imkan verməyəcək.
Eyni zamanda "Rusiya Dəmir Yolları” da kibermüdaxilədən şikayətlənib.
"Vebsaytımız və mobil tətbiqimiz DDoS hücumuna məruz qalıb. Gün ərzində fasilələr ola bilər. Mütəxəssislərimiz saytı və tətbiqi bərpa etmək üçün çalışırlar”, deyə bu dövlət şirkətinin Teleqram kanalında qeyd olunub.
//qaynar.az
Şahidi olduğunuz hadisələri çəkib bizə göndərin!
Son Əlavə