Dünyanın ən böyük şirniyyat şirkətlərindən biri olan “Haribo”d məhsullarında narkotik qalmaqalı yaşanıb.
Median.Az bildirir ki, bütün dünyada satılan şirniyyat markası “Haribo”nun Hollandiyada satılan bəzi məhsullarında narkotik maddə aşkarlanıb. Onları yeyənlər özlərini pis hiss edib və ekspertiza şirniyyatın tərkibində marixuana olduğunu üzə çıxaranda ölkədəki bütün məhsullar geri çağırılıb.
Hollandiya Qida və İstehlak Məhsullarının Təhlükəsizliyi Təşkilatı (NVWA) bildirib ki, ailəliklə 1 kiloqram “Haribo Happy Cola F!ZZ” konfetləri istehlak edən insanlar özlərini pis hiss ediblər.
Müayinələrdə şirniyyatlardan götürülmüş nümunələrdə narkotik maddələrin olduğu təsdiqlənib. NVWA-nın sözçüsü, bu günə qədər üç paketdə narkotik tapıldığını açıqlayıbb, “Haribo” bütün məhsullarını geri çağırdı.
Sözügedən paketlərin son istifadə tarixi 2026-cı ilin yanvar ayı olaraq göstərilib. İndiyə qədər nə qədər insanın təsirləndiyi bəlli deyil.
Şirkətdən isə “Biz məsələyə ciddi yanaşırıq və bunun necə baş verdiyini araşdırırıq”-deyə rəsmi açıqlama gəlib.
Polis səlahiyyətliləri sirrin məhsullara necə daxil olduğunu araşdırır. NVWA tərəfindən edilən şərhdə, "istehlak edildikdə başgicəllənmə kimi şikayətlərə səbəb ola biləcək məhsulların dövriyyədə olduğu" vurğulanıb və "bu konfetlərdən istifadə etməyin" xəbərdarlığı edilib.
“Haribo” hadisənin ciddiyə alındığını və polislə birlikdə araşdırıldığını deyib. Şirkət yalnız Hollandiyadakı məhsulların geri çağırıldığını və digər ölkələrdəki məhsulların təhlükəsiz olduğunu bildirib.
Şahidi olduğunuz hadisələri çəkib bizə göndərin!
Son Əlavə