"Google Maps"dəki nasazlıq üç ölkədə insanları çaşqınlığa saldı
"Google Maps" xidmətindəki nasazlıq səbəbindən tətbiq Almaniyanın qərbində, həmçinin Belçika və Niderlandın bəzi bölgələrində avtomobil yollarının kütləvi bağlandığını göstərib.
Bu barədə "Bild" qəzeti məlumat verib.
Qeyd olunur ki, əslində nəqliyyatın hərəkəti pozulmayıb. "Apple Maps" və ya "Waze" kimi digər naviqasiya proqramlarında yolların kütləvi bağlanması müşahidə olunmayıb.
Nasazlığın texniki xəta, yoxsa hakerlər tərəfindən məlumat bazasına qəsdən müdaxilə nəticəsində baş verdiyi hələlik məlum deyil. "Google"un nümayəndəsi bildirib ki, şirkət hazırda insidentlə bağlı daxili araşdırma aparır.
O vurğulayıb ki, "Google Maps"ə məlumatlar müxtəlif mənbələrdən daxil olur, xəritələr müntəzəm olaraq yenilənir, lakin yeniləmənin sürəti fərqli ola bilər.
Qeyd edək ki, bu, ilk belə hadisə deyil. Bir neçə həftə əvvəl "Google Maps" Türingiya əyalətində bir neçə tunelin yanlış olaraq bağlı göstərildiyi zaman çaşqınlığa səbəb olmuşdu.
Bu barədə "Bild" qəzeti məlumat verib.
Qeyd olunur ki, əslində nəqliyyatın hərəkəti pozulmayıb. "Apple Maps" və ya "Waze" kimi digər naviqasiya proqramlarında yolların kütləvi bağlanması müşahidə olunmayıb.
Nasazlığın texniki xəta, yoxsa hakerlər tərəfindən məlumat bazasına qəsdən müdaxilə nəticəsində baş verdiyi hələlik məlum deyil. "Google"un nümayəndəsi bildirib ki, şirkət hazırda insidentlə bağlı daxili araşdırma aparır.
O vurğulayıb ki, "Google Maps"ə məlumatlar müxtəlif mənbələrdən daxil olur, xəritələr müntəzəm olaraq yenilənir, lakin yeniləmənin sürəti fərqli ola bilər.
Qeyd edək ki, bu, ilk belə hadisə deyil. Bir neçə həftə əvvəl "Google Maps" Türingiya əyalətində bir neçə tunelin yanlış olaraq bağlı göstərildiyi zaman çaşqınlığa səbəb olmuşdu.
