Bakıda yaşayan Şərur rayon sakini Firudin Bağırov evinin qarşısında avtomobillə vurulub.
Bu barədə sosial şəbəkədə videogörüntü paylaşılıb.
İddia olunub ki, avtomobili onun üstünə qəsdən sürüblər. Mübahisə zəminində baş verən hadisəni törədən isə yaxınlıqdakı kafenin sahibi Rauf adlı şəxsdir.
Hadisə ilə bağlı Daxili İşlər Nazirliyinin Mətbuat Xidmətinin əməkdaşı Cəsarət Qənbərli oxu.az-a açıqlamasında bildirib ki, hadisə mayın 20-də qeydə alınıb.
"Paytaxtın Xətai rayonunda baş verən insidentlə bağlı cinayət işi başlanılıb.
İnsident zamanı Rauf Şamxalov idarə etdiyi "Hyundai" markalı avtomobillə aralarında yaranan şəxsi mübahisə zamanı Firudin Bağırovu vuraraq xuliqanlıq hərəkətləri edib.
Faktla bağlı Xətai Rayon Polis İdarəsində cinayət işi başlanılıb, iki nəfər şübhəli şəxs qismində saxlanılaraq istintaqa təhvil verilib. Araşdırmalar davam etdirilir", - deyə C. Qənbərli bildirib.
Şahidi olduğunuz hadisələri çəkib bizə göndərin!
Son Əlavə