Prezident İlham Əliyevin bu gün imzaladığı sərəncamla Bəhruz Vidadi oğlu Əhmədov Azərbaycan Respublikası Baş prokurorunun müavini - Azərbaycan Respublikasının Hərbi prokuroru təyin edilib.
Median.Az Bəhruz Əhmədovun dosyesini təqdim edir.
Bəhruz Əhmədov 4 iyul 1984-cü ildə anadan olub. Bakı Dövlət Universitetinin hüquq fakültəsini bitirib.
O, əslən Neftçala rayonundandır.
Hüquq-mühafizə orqanları və hərbi sahədə uzun illər səmərəli fəaliyyət göstərib.
Bəhruz Əhmədov Azərbaycan Respublikası Hərbi Prokurorluğunun peşəkar və təcrübəli kadrlarından biri kimi tanınır.
Əmək fəaliyyətinə prokurorluq orqanlarında başlamış Bəhruz Əhmədov 2018-ci ilin noyabrında Qazax rayonunun hərbi prokuroru və 2020-ci il iyulun 9-da isə Azərbaycan Respublikası Hərbi Prokurorluğunun İstintaq idarəsinin rəisi vəzifəsinə təyin edilib.
Yeni hərbi prokuror, həmçinin 2021-ci ildə "Vətən uğrunda" medalı ilə də təltif edilib.
Şahidi olduğunuz hadisələri çəkib bizə göndərin!
Son Əlavə