İran və Rusiya Azərbaycan ərazisindən qaz nəqlinə dair razılıq əldə edib.
"Azad İran" Telegram kanalının məlumatına görə, bu barədə Moskvaya səfəri zamanı İranın neft naziri Möhsün Paknejad açıqlama verib.
Nazir Rusiyadan İrana qaz nəqli ilə bağlı suala cavabında bildirib ki, daha əvvəl bu məqsədlə illik 55 milyard kubmetr qazın idxalı üçün Anlaşma Memorandumu imzalanıb.
Paknejad qeyd edib ki, qazın daşınması üçün nəqliyyat marşrutlarının öyrənilməsi aparılıb və Azərbaycan ərazisindən keçən quru yolunun istifadəsi barədə razılıq əldə olunub.
O, Rusiya qazının Astara bölgəsi vasitəsilə İrana çatdırılacağını vurğulayıb.
"Rusiya ilə Azərbaycan arasında koordinasiya prosesi davam edir və bu planın ikinci mərhələsi gələcəkdə yekunlaşdırılacaq", - deyə nazir əlavə edib.
Şahidi olduğunuz hadisələri çəkib bizə göndərin!
Son Əlavə