XİN 31 Mart - Azərbaycanlıların Soyqırımı Günü ilə bağlı bəyanat yayıb » Median.Az - Bütün xəbərlər bir ünvanda
14:17 Daha bir QHT rəhbərinin həbs müddəti artırıldı  |     13:16 Günəşdə daha bir güclü partlayış baş verdi  |     12:55 Sabah Əbu-Dabidə İlham Əliyevlə Nikol Paşinyan arasında görüş keçiriləcək  |     12:53 Bəşir Süleymanlının həbs müddəti uzadıldı  |     12:43 Nuranə on il əvvəl bənzər hadisədə xəsarət alıbmış - Video  |     12:40 Sabah 38 dərəcə isti olacaq  |     12:39 Ermənistan Müdafiə Nazirliyinin poliqonunda partlayış: Yaralılar var  |     12:08 Azərbaycan və Qazaxıstan PUA-larla təlim keçirir - VİDEO  |     12:07 Ceyhun Bayramov diplomatları peşə bayramı münasibətilə təbrik edib - FOTO  |     11:58 Azərbaycandan qanunsuz valyuta çıxaran şirkət rəhbəri cərimələndi  |     11:54 Bakı, Sumqayıt, Abşeron üzrə pensiyaların veriləcəyi tarix açıqlanıb  |     11:48 Naxçıvan şəhərinin bəzi ərazilərində içməli su olmayacaq  |     11:39 Onkologiyada inqilab: Qan analizi xərçəngi 3 il əvvəldən aşkar edə biləcək  |     11:31 Şəmkirdə ağır qəza: Ölən və yaralananlar var  |     11:16 Ötən gün 28 nəfər Almaniyadan Azərbaycana readmissiya olunub  |     11:15 Yuxarı Qarabağ kanalından aşkarlanan naməlum meyitin kimliyi məlum OLDU  |     11:08 Azərbaycanda xərçəng xəstələrinin sayı artdı - RƏSMİ  |     22:56 Gədəbəydə iki avtomobil toqquşub, xəsarət alanlar var  |     22:42 Bakıda yerləşən bağçada nöqsanlar aşkarlandı  |     22:35 Aşıq Əhliman insult keçirib  |    

XİN 31 Mart - Azərbaycanlıların Soyqırımı Günü ilə bağlı bəyanat yayıb

Xarici İşlər Nazirliyi 31 Mart - Azərbaycanlıların Soyqırımı Günü ilə bağlı bəyanat yayıb.

Median.Az
həmin bəyanatı təqdim edir:

"Bu gün radikal erməni qruplaşmaları tərəfindən ötən əsrdə dinc azərbaycanlılara qarşı törədilmiş ən böyük soyqırımlarından biri olan, minlərlə həmvətənimizin etnik və dini zəmində amansızlıqla qətlə yetirildiyi 1918-ci il mart soyqırımından 107 il ötür. 31 Mart - Azərbaycanlıların Soyqırımı Günündə faciəvi hadisələrin günahsız qurbanlarının xatirəsini dərin hörmət və ehtiramla yad edirik.

Azərbaycanlılara qarşı sistematik etnik təmizləmə və soyqırımı siyasətinin tərkib hissəsi olan bu qırğınlar zamanı Qafqazın fövqəladə komissarı, milliyyətcə erməni olan Stepan Şaumyanın özünün də etiraf etdiyi kimi, Bakı Sovetinin 6 000 və Daşnaksütyun Partiyasının 4 000 silahlı əsgəri tərəfindən planlı şəkildə "əks-inqilabçılarla mübarizə" adı altında bir sıra, o cümlədən Bakı, Şamaxı, Quba, Qarabağ, Zəngəzur, Naxçıvan, Şirvan, İrəvan bölgələrində dinc azərbaycanlıların xüsusi amansızlıqla qətli həyata keçirilib. Kütləvi qırğınlar nəticəsində təkcə Qubada xüsusi qəddarlıqla 16 000-dən artıq insan qətlə yetirilib, 167 kənd məhv edilib.

Onminlərlə həmvətənimizin qətlə yetirildiyi bu soyqırımı zamanı azərbaycanlılara aid olan mədəni, dini abidələr, məscid və qəbiristanlıqlara qarşı törədilən vəhşiliklər baş verənlərin etnik nifrət və dözümsüzlük cinayəti olmasının sübutudur.

Azərbaycan Xalq Cümhuriyyətinin əsasının qoyulmasından sonra hadisələrin tədqiqi, habelə dünya ictimaiyyətinə çatdırılması məqsədilə xüsusi təsisatların yaradılmasına, 31 mart tarixinin ümummilli matəm günü kimi qeyd edilməsinə baxmayaraq, Cümhuriyyətin süqutu bu cinayətə siyasi-hüquqi qiymətin verilməsinə mane olub.

Müstəqilliyimizin bərpasından və ulu öndər Heydər Əliyevin ölkəmizdə hakimiyyətə qayıtmasından sonra 26 mart 1998-ci il tarixində imzalanmış "Azərbaycanlıların soyqırımı haqqında" Fərmanla baş verənlərə siyasi qiymət verilib.

XX əsrin əvvəlində törədilən qırğınların əsasında duran etnik nifrət və dözümsüzlük siyasəti əsrin sonunda azərbaycanlıların indiki Ermənistan ərazilərindən kütləvi deportasiyası, münaqişə və işğal dövründə xalqımıza qarşı törədilən qətliamlar, Xocalı soyqırımı kimi insanlıq əleyhinə cinayətlər, habelə 2020-ci ildə 44 günlük Vətən müharibəsi zamanı dinc insanlara qarşı müharibə cinayətləri ilə davam etdirilib.

Hazırkı postmünaqişə dövründə bölgənin tarixinə düşən bu qanlı səhifələrin birdəfəlik çevrilməsi, dayanıqlı və dönməz sülhün bərqərar edilməsi üçün tarixi imkanların mövcudluğuna baxmayaraq, bu günədək baş verən bütün dəhşətlərin əsasında dayanan və Ermənistan konstitusiyası daxil olmaqla, bir sıra qanunvericilik aktlarında təsbit olunan ərazi iddialarının hələ də qalmaqda davam etməsi regionun sabit gələcəyi üçün ən böyük əngəl və narahatlıq mənbəyidir.

Bu baxımdan, Azərbaycan törədilən cinayətlərin günahkarlarının hüquqi məsuliyyətə cəlb edilməsi üçün milli və beynəlxalq səylərini davam etdirməklə yanaşı, bölgədə dayanıqlı sülhün qurulması üçün Ermənistanın ölkəmizə qarşı davam edən ərazi iddialarına son qoyulması tələbində qəti və dönməzdir.

31 Mart - Azərbaycanlıların Soyqırımı Günündə etnik nifrət və soyqırımına məruz qalan günahsız azərbaycanlıların əziz xatirəsini dərin hüzn və ehtiramla yad edirik. Allah rəhmət eləsin!"скачать dle 11.3




Şahidi olduğunuz hadisələri çəkib bizə göndərin!




            492 31.03.25 13:15