Zərərli, yağlı qidalar əslində arıqlamağa kömək edə bilər » Median.Az - Bütün xəbərlər bir ünvanda
23:03 Sumqayıtda 48 yaşlı qadın dəm qazından ölüb  |     22:42 “Dedim, qoy məni elə öldü bilsinlər” - 9 ay sonra tapılan Kənan  |     22:32 "Son zəng" geyimi ilə bağlı məktəbələrə təlimat verildi  |     22:20 Hakerlər kriptovalyuta nəhəngindən 20 milyon dollar fidyə tələb etdi  |     22:13 Naxçıvanda əhalinin sayı 1 ildə 2 min 204 nəfər artıb  |     22:05 İşə qəbul zamanı bu 6 ifadəni işlətmək olmaz - Rekruiterdən vacib məsləhətlər  |     22:00 Saxta Twitter işçisinin Harvard süni intellekt startapının təsisçisi olduğu ortaya çıxıb  |     21:51 Bu institut xidməti maşın alır - 1-i 185 min manata  |     21:46 Pulsuz fayl çevricilər kibertəhlükə riski daşıya bilər  |     21:39 Azərbaycana ət məhsullarının gətirilməsinə qadağa qoyuldu - Bu ölkələrdən  |     21:32 Suriya Rusiyada əskinasların çapını dayandırır  |     21:27 Riyaziyyatın sərhədləri aşılır: 200 illik problem nəhayət həll olunurmu?  |     21:16 Bank kartlarından oğurlanan pullara görə istintaq təxirəsalınmadan aparılacaq  |     21:09 Bunu edən tibb işçiləri cərimələnəcək  |     20:58 Bu generallar üçün vəzifədə olma ilə bağlı yaş məhdudiyyəti ləğv edilir  |     20:50 Azərbaycanda koronavirusla bağlı vəziyyət necədir?  |     20:44 Bakının bu ərazisində bulvar salınacaq - VİDEO  |     20:38 Azərbaycanın bədii gimnastika komandası Avropa Kubokunda gümüş medal qazanıb  |     20:31 Azərbaycanın FIFA referisi təyinat alıb  |     20:26 Azərbaycanda növbəti torpaq hərracları elan edilib  |    

Zərərli, yağlı qidalar əslində arıqlamağa kömək edə bilər

Adətən kök insanların yeməkdən daha çox zövq aldığı düşünülür. Lakin yeni bir araşdırma bunun əksini göstərib. Alimlərin fikrincə, çəki artdıqca insanın qidadan aldığı ləzzət azalır.

Bu proses dopamin hormonu ilə əlaqələndirilir. Dopamin insanın gülərkən, musiqi dinləyərkən və ya dadlı yemək yeyərkən beyində ifraz olunan "xoşbəxtlik hormonu" kimi tanınır. Onun səviyyəsi neyrotensin adlı maddə tərəfindən tənzimlənir. Araşdırmalar göstərib ki, artıq çəkili şəxslərdə neyrotensin səviyyəsi aşağı olur, bu da dopaminin normal ifrazını azaldır.

Eksperiment çərçivəsində alimlər bir qrup siçanı 60% yağ tərkibli, yüksək kalorili qida ilə bəsləyərək onların artıq çəki almasına səbəb olublar. Nəticələr göstərib ki, bu siçanlar yağlı qidaya üstünlük versələr də, qeyri-adi şəraitdə onlara təqdim olunan yüksək kalorili təamlara maraq göstərməyiblər. Normal pəhrizlə bəslənən siçanlar isə həmin təamları böyük həvəslə yeyiblər.

Sonrakı mərhələdə alimlər beyində dopamin istehsalına cavabdeh olan neyronları işıqla stimullaşdırıblar. Bu proses normal çəkili siçanlarda yeməyə marağı daha da artırsa da, artıq çəkili siçanlara heç bir təsir göstərməyib.

Mütəxəssislər bu problemi iki üsulla həll ediblər:

Siçanlar normal qidalanmaya keçirildikdə, onların neyrotensin səviyyəsi və dopamin funksiyası bərpa olunub, həmçinin arıqlamağa başlayıblar.

Gen redaktəsi vasitəsilə neyrotensin səviyyəsi artırılan siçanlar da çəki itirib, daha aktiv və enerjili olublar.

Bu araşdırma, qidalanma vərdişlərinin və beynin biokimyəvi proseslərinin insan sağlamlığına necə təsir etdiyini daha yaxşı anlamağa kömək edir. (BAKU.WS)скачать dle 11.3




Şahidi olduğunuz hadisələri çəkib bizə göndərin!




            252 29.03.25 20:33