Rusiya XİN Azərbaycan və Ermənistanla kommunikasiyaların açılması üzrə üçtərəfli komissiyanın işinin bərpasına tərəfdardır
Cənubi Qafqazda nəqliyyat kommunikasiyaları ilə bağlı Rusiya, Azərbaycan və Ermənistan liderləri tərəfindən razılaşdırılmış məsələdə İrəvanın rəsmi mövqeyi dəyişibsə, bu, ölkənin suveren hüququ olaraq qalır, lakin Ermənistan bu barədə müvafiq səviyyədə rəsmi bəyanat versəydi, daha düzgün olardı.
Bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi brifinqdə bildirib.
Onun sözlərinə görə, Rusiya tərəfi əmindir ki, qeyd olunan formatda hərtərəfli qarşılıqlı əlaqənin tezliklə bərpası təkcə Cənubi Qafqazın nəqliyyat-logistika sisteminin modernləşdirilməsinə və onun Avropa ilə Asiya arasında irimiqyaslı yük daşımalarına inteqrasiyasına kömək etməyəcək, həm də Ermənistanın və bütün regionun sosial-iqtisadi inkişafının mühüm amili olacaq.
M.Zaxarova həmçinin xatırladıb ki, üç ölkənin liderləri arasında əldə edilmiş razılaşmaların tam şəkildə həyata keçirilməsinə Qərb ölkələrinin destruktiv təsiri mane olur:
"Bildiyiniz kimi, həqiqətən də çox mühüm olan bu məsələnin həlli üçün 2020-2022-ci illər ərzində əldə edilmiş ən yüksək səviyyəli üçtərəfli razılaşmalara uyğun olaraq, Cənubi Qafqazda nəqliyyat və iqtisadi əlaqələrin blokdan çıxarılması üzrə üçtərəfli işçi qrupu yaradılıb.
Bu işçi qrup çərçivəsində qarşılıqlılıq və suverenlik prinsipləri əsasında Ermənistan və Azərbaycan arasında nəqliyyat marşrutlarının həm hüquqi əsaslarının, həm də texniki parametrlərinin razılaşdırılması istiqamətində böyük işlər görülüb. Bəli, biz Qərb ölkələrinin destruktiv təsirini görürük. Bundan başqa, Ermənistan hakimiyyətinin mövqeyi bəzən, hətta tez-tez bizdə suallar doğurur".
Bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi brifinqdə bildirib.
Onun sözlərinə görə, Rusiya tərəfi əmindir ki, qeyd olunan formatda hərtərəfli qarşılıqlı əlaqənin tezliklə bərpası təkcə Cənubi Qafqazın nəqliyyat-logistika sisteminin modernləşdirilməsinə və onun Avropa ilə Asiya arasında irimiqyaslı yük daşımalarına inteqrasiyasına kömək etməyəcək, həm də Ermənistanın və bütün regionun sosial-iqtisadi inkişafının mühüm amili olacaq.
M.Zaxarova həmçinin xatırladıb ki, üç ölkənin liderləri arasında əldə edilmiş razılaşmaların tam şəkildə həyata keçirilməsinə Qərb ölkələrinin destruktiv təsiri mane olur:
"Bildiyiniz kimi, həqiqətən də çox mühüm olan bu məsələnin həlli üçün 2020-2022-ci illər ərzində əldə edilmiş ən yüksək səviyyəli üçtərəfli razılaşmalara uyğun olaraq, Cənubi Qafqazda nəqliyyat və iqtisadi əlaqələrin blokdan çıxarılması üzrə üçtərəfli işçi qrupu yaradılıb.
Bu işçi qrup çərçivəsində qarşılıqlılıq və suverenlik prinsipləri əsasında Ermənistan və Azərbaycan arasında nəqliyyat marşrutlarının həm hüquqi əsaslarının, həm də texniki parametrlərinin razılaşdırılması istiqamətində böyük işlər görülüb. Bəli, biz Qərb ölkələrinin destruktiv təsirini görürük. Bundan başqa, Ermənistan hakimiyyətinin mövqeyi bəzən, hətta tez-tez bizdə suallar doğurur".
