KONKAKAF-ın (Şimali və Mərkəzi Amerika və Karib Hövzəsi Futbol Konfederasiyası) Çempionlar Kubokunun 1/16 final mərhələsinin cavab oyunları keçirilib.
"İnter Mayami" "Sportinq Kanzas Siti"ni qonaq edib.
Görüş meydan sahiblərinin 3:1 hesablı qələbəsi ilə yekunlaşıb. Xavyer Maskeranonun baş məşqçisi olduğu komandanın qollarını Lionel Messi, Luis Suares və Tadeo Alyende vurublar. Qonaqlardan isə Memo Rodriges fərqlənib.
Messi meydanda 68 dəqiqə, Suares və Serxio Buskets isə 80 dəqiqə keçiriblər. "Barselona"nın daha bir sabiq futbolçusu Xordi Alba isə oyunu əvəz olunmadan başa çatdırıb. Suares və Alba hərəyə bir məhsuldar ötürmə ediblər.
Qeyd edək ki, "İnter Mayami"nin 1/8 final mərhələsindəki rəqibi Yamayka təmsilçisi "Kavalyer" olacaq.
Şahidi olduğunuz hadisələri çəkib bizə göndərin!
Son Əlavə