Daha bir dövlət İsraildəki səfirliyini Qüdsdə açacaq

Fici ada dövləti İsraildəki səfirliyini Qüds şəhərində açacaq.

Median.Az "Star" qəzetinə istinadla xəbər verir ki, bu barədə Fici Xarici İşlər Nazirliyi (XİN) məlumat paylaşıb.

Məlumata əsasən, prosesin tamamlanması üçün XİN və Müdafiə Nazirliyi müvafiq qurumlarla birgə məsləhətləşmələr aparacaq:

"Fici və İsrail 1970-ci ildə diplomatik əlaqələr qurublar, təhlükəsizlik, sülhü qoruma, kənd təsərrüfatı və iqlim dəyişikliyi sahələrində tərəfdaşlıq münasibətləri formalaşdırıblar".

Qeyd edək ki, ABŞ, Qvatemala, Honduras, Kosovo, Paraqvay və Papua-Yeni Qvineyanın İsraildəki səfirlikləri Qüdsdə yerləşir.