Azərbaycanın tanınmış cərrahı Mir Cəlal Kazıminin adı CİNAYƏT İŞİNDƏ HALLANIR » Median.Az - Bütün xəbərlər bir ünvanda
15:15 Daxili qoşunların fəaliyyətinin əsas prinsipləri müəyyənləşdiriləcək  |     14:33 Bunlar artıq yaxınmənalı sözlər sayılmayacaq  |     14:31 Masallıda 10 mindən çox abonentinin qazı kəsiləcək  |     13:45 Apellyasiya komissiyasının fəaliyyətə başlayacağı tarix açıqlandı  |     13:16 Sumqayıt-Bakı istiqamətində yol bir saat bağlı olub - SƏBƏB (Video)  |     13:14 Dövlət Xidməti: "Telegram" hücumları ilə bağlı 112 saxta domen və 18 IP ünvanı nəzarətdədir  |     13:13 Polisdən Bakıda ƏMƏLİYYATLAR: Saxlanılanlar arasında qadın da var  |     13:12 Zəngəzur dəhlizinin Azərbaycan hissəsində işlər nə zaman tamamlanacaq?  |     13:10 Kolleclərə əlavə yerləşdirmə üzrə qəbul olunanların NƏZƏRİNƏ - QEYDİYYAT BAŞLAYIR  |     13:09 DİN-dən Bakıda ƏMƏLİYYAT - 60 kiloqram narkotik aşkarlanıb (Video)  |     13:08 İrəvanda Ermənistanla ABŞ Zəngəzur dəhlizini müzakirə edəcəklər  |     13:00 Dünya çempionatı: Daha bir boksçumuz dörddəbir finala vəsiqə qazandı  |     12:58 Gəncədə hava limanından oğurluq etməkdə şübhəli bilinən şəxs saxlanıldı - Video  |     12:35 Bakı, Sumqayıt, Abşeron üzrə pensiyaların veriləcəyi tarix AÇIQLANDI  |     12:33 Şirkətin 45 minini mənimsəyən şəxs məhkəmə zalından həbs olundu  |     12:31 Yunanıstanda güclü zəlzələ olub  |     12:28 Sakinlər Bakıdakı restoranın fəaliyyətindən narazıdırlar - Video  |     12:25 Yasamaldakı 38 saylı məktəb müəllimlərə təmir etdirilir? - Video  |     12:16 Ət niyə bahalaşdı? - Qəssablar yeni qiymətlərdən danışdılar (Video)  |     12:15 Plastik cərrah Elnur Mehrəlinin assistenti əməliyyat zamanı rəqs edib? - İDDİA (Video)  |    

Azərbaycanın tanınmış cərrahı Mir Cəlal Kazıminin adı CİNAYƏT İŞİNDƏ HALLANIR

Xeyli vaxtdır gündəmdən düşməyən üç xanımın talassemiyalı uşaqların müalicəsi üçün ayrılmış pulları ələ keçirməsi ilə bağlı məhkəmə araşdırması davam edir.

Median.Az
"Qafqazinfo"ya istinadən xəbər verir ki, Bakı Ağır Cinayətlər Məhkəməsində baxılan iş üzrə hazırkı mərhələdə zərərçəkmiş şəxslər dindirilir.

Bu iş üzrə mühakimə edilən xanımlar - şirkət rəhbəri Nuridə Seyidova, onun işçiləri Aynur Bayramova və Aysel Məmmədovanın üçü də həbsdədir. Birgə dələduzluqda təqsirləndirilən müttəhimlər hazırda bir-birinə qarşı da ziddiyətli mövqedədirlər.

İşin əsas həssas məqamlarından biri təqsirləndirilən şəxslərin cinayətinin bəzi xəstələrin ölümünə gətirib çıxarmasıdır.

Vəfat edənlərdən biri də bu gün ifadə verən Sevinc Səmədovanın əridir. Zərərçəkmişin həyat yoldaşı Ramin qaraciyər serrozundan əziyyət çəkib, əməliyyat gecikdiyi üçün dünyasını dəyişib.

Bu işdə adı çəkilənlərdən biri də Mərkəzi Gömrük Hospitalının tanınmış cərrahı Mir Cəlal Kazımidir.

S.Səmədova da deyir ki, onu təqsirləndirilən şəxslərin yanına Mir Cəlal Kazımi göndərib. Həkim zərərçəkmişi inandırıb ki, həmin xanımlar xeyriyyəçidir, onlara kömək edə biləcəklər: "Mən hospitala gələnə kimi heç bunların (təqsirləndirilən şəxslərin - red.) adını eşitməmişdim. Mir Cəlal doktorun yanına həyat yoldaşımın müalicəsi üçün gəlmişdim. Nə isə söhbət əsnasında dedi ki, bəs, həyat yoldaşın əməliyyat edilməlidir. Amma əməliyyat kifayət qədər pul tələb edir. Dedi ki, sənə bir nömrə verəcəyəm, onunla danış. Həmin adam da hazırda burada oturan Aysel idi. Həkim onların dəstəyi ilə əvvəl də əməliyyat edilənlərin olduğunu dedi.

Bundan sonra Aysellə danışmaq üçün şirkətlərinə getdim. Deyim ki, şirkət də qorxulu yer idi. Nə isə narahat oldum, amma Aysel məni inandırmağı bacardı. Videolar göstərdi, orada əməliyyat edilən şəxslər təşəkkür edirdilər. Razılaşma da belə oldu ki, 22 min 500 manat verəcəyəm, qalanını da sponsorları vasitəsilə həll edəcəklər. Sonra yenə Mir Cəlal doktorun yanına qayıtdım. Dedim ki, içim rahat deyil. Bunu deyəndə doktor coşdu, dedi, narahat olmağa ehtiyac yoxdur".

Hakim Azad Məcidovu maraqlandıran əsas məsələ dövlət hospitalının həkiminin xəstələri təqsirləndirilən qadınların yanına göndərməsidir. Hakim bu haqda Aysel Məmmədovadan soruşub.

Xanım müttəhimin cavabından bəlli olub ki, şirkətləri ilə hospital arasında müqavilə var imiş. Şirkətə rəhbərlik etmiş Nuridə də bunu təsdiq edib. O, rus dilində nə isə demək istəsə də, əvvəlki cavab hakimi qane edib.

Aysel Məmmədovanın yaxınları 22 min 500 manatın 15 min 500 manatını həyat yoldaşını itirən xanıma qaytarıblar.

Mövzu açılmışkən zərərçəkmiş Tural Nəsmiyev qaranlıq qalan məsələlərin aydınlaşması üçün adları keçən həkimlərin məhkəməyə çağırılması məqsədilə vəsatət qaldırıb.

Hakim qarşısında dindirilməsi tələb edilən həkimlər - Mir Cəlal Kazımi, hadisə baş verən vaxt Talassemiya Mərkəzinin baş həkimi olan Xuraman Cəfərova, mərkəzin ovaxtkı direktoru Valeh Hüseynov və başqalarıdır. Bu şəxlərin ifadəsi iş üçün əhəmiyyətli hesab edilir.

Məhkəmə vəsatəti qəbul edib. Növbəti iclaslarda həkimlərin dindirilməsi məsələsi müzakirə ediləcək.

İclasın ortasında Aynur Bayramovanın səhhəti pisləşib, təcili yardım gəlib. Həkim məsləhəti ilə proses təxirə salınıb.

Qeyd edək ki, Nuridə Seyidova "Urmedhelp" və "My Doc Tour" adlı şirkətlərin sahibi, A.Bayramova və A.Məmmədova isə işçiləridir. İş üzrə 36 nəfər zərərçəkmişə bir milyon manata yaxın zərər dəyib.скачать dle 11.3




Şahidi olduğunuz hadisələri çəkib bizə göndərin!




            603 12.02.25 21:43