Parkda ər-arvadı döyənlərin işi: Özlərini polis kimi təqdim edib, nikah şəhadətnaməsi istəyiblər » Median.Az - Bütün xəbərlər bir ünvanda
22:56 NASA alimləri Marsda qədim həyatın mümkün izlərini aşkar ediblər  |     22:46 Musiqi zövqlərinin yaşla necə dəyişdiyi açıqlandı  |     22:38 “Qızı yoldaşımdan içki məclisində istəyiblər” - Nişanlanan yeniyetmənin anası - YENİLƏNİB - VİDEO  |     22:30 XİN rəhbəri: Rusiya PUA-larının Polşanın hava məkanını  |     22:21 Paşinyan: "Qarabağ məsələsi çoxdan həll edilib, lakin İrəvana bu barədə deməyiblər"  |     22:07 Gəncədə velosipeddən yıxılan səkkiz yaşlı qız xəstəxanada öldü  |     21:58 Fransada etirazlar: 400-dən çox insan saxlanıldı  |     21:50 Bakının bu rayonlarında qaz olmayacaq  |     21:38 Maşınlar toqquşub körpüdən aşdı  |     21:29 Bakıda məşhur uşaq bağçasından ŞOK GÖRÜNTÜLƏR yayıldı  |     21:22 Zəngilanın iki yaşayış məntəqəsinə yeni elektrik xətti çəkiləcək  |     21:12 Rüfət Əhmədov “Qəbələ”də  |     20:56 Ermənistan Azərbaycanla sərhəddə "ağıllı pasport" sistemi tətbiq edəcək  |     20:29 Rusiya Müdafiə Nazirliyi Polşaya hücum iddialarını təkzib etdi  |     20:14 Naxçıvan şəhərində ekoloji monitorinq keçirilib  |     19:47 Gəncədə nərdivandan yıxılan 45 yaşlı kişi öldü  |     19:41 Agentlikdən gəmilərə xəbərdarlıq  |     19:34 Daşkəsəndə avtomobil beşyaşlı qızı vurdu  |     19:12 Paşinyan Putin və Pezeşkianla nə barədə danışdığını açıqlayıb  |     18:46 Bakıda özəl bağçada azyaşlı ilə kobud rəftar edildi - VİDEO  |    

Parkda ər-arvadı döyənlərin işi: Özlərini polis kimi təqdim edib, nikah şəhadətnaməsi istəyiblər

İki dost pabda yeyib-içdikdən sonra parkda oturan ər-arvadı döyüblər. Heç bir səbəb olmadan onlara yaxınlaşaraq, gecə vaxtı parkda oturmaqlarına irad bildiriblər. Əvvəlcə özlərini polis kimi təqdim ediblər.

Median.Az
Musavat.com-a istinadən xəbər verir ki, təqsirləndirilənlər 36 yaşlı Orxan və 30 yaşlı Rafiqdir.

İstintaqla müəyyən edilib ki, təqsirləndirilən şəxslər heç bir səbəb olmadan parkda əyləşən ər-arvad olan Günay və Röyala yaxınlaşaraq, gecə saatlarında orada olmalarına irad bildiriblər. Mübahisə zamanı qadını və ərini yumruq və təpiklə vuraraq, bədən xəsarətləri yetiriblər. Onlara qarşı xuliqanlıq maddəsi ilə cinayət işi açılıb və həbs ediliblər.

Onlar "Memar Əcəmi" metrostansiyasının yaxınlığındakı "Bermud Pub"da yeyib-içdikdən sonra səki ilə gedən zaman ər-arvadı görüblər.

Təqsirləndirilən Orxan ifadəsində deyib ki, həmin zaman Röyalın Günayı döydüyünü görüblər. Buna görə də müdaxilə ediblər.

"Dedim ki, küçədə bu hərəkəti etmək doğru deyil. Oğlan dedi ki, öz arvadıdır, özü bilər. Mən də dedim ki, arvadındırsa, evdə döy. Amma arvadı dedi ki, onu evdə də döydüyü üçün qaçıb. Onların ər-arvad olduqlarına inanmadıq. Röyal üstümüzə gəlib mübahisə etməyə başladı, əl-qol atdı. Sonra qadın qışqırmağa başladı. Mən qadını vurub qışqırmamasını istədim. Röyal Rafiqin üstünə hücum etdi. Rafiq də onu vurdu. Səs-küyə qonşular çıxdı. Biz oradan qaçdıq. Sonra bildik ki, polisə şikayət ediblər", - deyə Orxan ifadəsində bildirib.

Məhkəmədə dindirilən zaman Rafiq də Orxan kimi eyniməzmunlu ifadə verib.

Hər iki şəxs bildirib ki, əməllərindən peşmandırlar və zərərçəkmiş ər-arvadla barışıblar. Məhkəmədən onlara yüngül cəza verilməsini xahiş ediblər.

Zərərçəkmişlərin ifadələrindən isə hadisənin başqa təfərrüatları ortaya çıxıb.

Röyal deyib ki, həyat yoldaşı ilə parkda oturan zaman iki nəfər onlara yaxınlaşaraq özlərini polis əməkdaşı kimi təqdim ediblər:

"Bizdən nikah şəhadətnaməsi istədilər. Günay gətirmək üçün evə getmək istədi. Amma Orxan buna imkan vermədi. Günayın sifətindən vurdu. Mən Günaya yaxınlaşmaq istəyəndə Rafiq də məni vurdu. Səs-küyə camaat gəldi. Bir qadın qışqıraraq hadisəni telefonla çəkdiyini dedi. Bunu eşidəndə onlar qaçdılar",- deyə zərərçəkmiş ifadəsində qeyd edib.

Məhkəmədə zərərçəkmiş ər-arvad təqsirləndirilən şəxsləri bağışladıqlarını deyiblər.

Məhkəmə hər iki şəxsin ilk dəfə cinayət əməli törətmələrini, zərərçəkmiş şəxslərlə barışdıqlarını nəzərə alaraq onlara yüngül cəza verib. Həbsdə olan hər iki şəxs barəsində azadlığın məhdudlaşdırılması cəzası təyin edilib və onlar məhkəmə zalından azadlığa buraxılıblar.скачать dle 11.3




Şahidi olduğunuz hadisələri çəkib bizə göndərin!




            606 31.01.25 15:40