"Formula-1"ə ayrılan pulların mənimsənilməsi: Gürcüstan bankındakı pullar kimindir? » Median.Az - Bütün xəbərlər bir ünvanda
13:06 Vətəndaşlar polis rəislərinə birbaşa müraciət edəcəklər - VİDEO  |     13:03 İcra başçısının müavini işdən çıxarıldı - FOTO  |     12:59 Ermənistanda qazdoldurma məntəqəsində partlayış baş verib  |     12:59 Bakıda avtobus "Range Rover"lə toqquşdu (YENİLƏNİB)  |     12:55 Abşeronda biraylıq körpə çimizdirilərkən boğulub (YENİLƏNİB)  |     12:52 Azərbaycanda unun topdansatış qiymətləri açıqlanıb  |     12:50 Azərbaycanın bəzi çaylarında sululuq artıb  |     12:49 Həmkəndlisini bıçaqlayan, dayısının evini yandıran şəxsə AĞIR CƏZA  |     12:48 Hindistan və Pakistan sərhədində ardıcıl beşinci gecə atışma qeydə alınıb  |     12:45 "Çelsi" 80 milyon avroya aldığı futbolçunu 27 milyona satır  |     12:42 Azərbaycanın əməkdar memarı vəfat etdi - FOTO  |     12:41 Gözdə qaşınma, yanma, qızartı, bulanıq görmə - Səbəblər nələrdir?  |     12:39 Kirayə yolu ilə mənzil almaq, yoxsa ipoteka: Hansı daha sərfəlidir? - VİDEO  |     12:31 Dövlət qurumunda KÜTLƏVİ İXTİSAR - VİDEO  |     12:29 Uşaqların həyatı risk altında: Attraksionlara kim nəzarət edir? - VİDEO  |     12:19 Səudiyyə Ərəbistanından sərt addım: Həcc üçün icazə almayanlar cəzalandırılacaqlar  |     12:10 Azərbaycan Ordusuna qoşulmaq istəyənlərin NƏZƏRİNƏ - FOTO  |     12:00 SÜRÜCÜLƏRİN NƏZƏRİNƏ: 800 manatadək cərimələnə BİLƏRSİNİZ - VİDEO  |     11:56 İranın Bəndər-Abbas limanındakı yanğın nəzarətə alındı  |     11:53 Şəmkirdə ikiyaşlı uşaq zəhərlənərək ölüb  |    

"Formula-1"ə ayrılan pulların mənimsənilməsi: Gürcüstan bankındakı pullar kimindir?

Bakı Şəhər Halqası Əməliyyat Şirkətinin İdman Əməliyyatları şöbəsinin rəisi işləmiş Çingiz Mehdiyevin cinayət işi üzrə məhkəmə prosesi keçirilib.

Median.Az
"Report"a istinadən xəbər verir ki, Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə keçirilən prosesdə Çingiz Mehdiyevin vəkilləri məhkəməyə vəsatətlər təqdim ediblər.

Vəkil vəsatətində bildirib ki, Gürcüstan bankından Çingiz Mehdiyevin anasının adına olan pullar vərəsəlik əsasında onun hesabına köçüb. Vəkil bununla bağlı sənədin sübutlara daxil edilməsini istəyib.

Çingiz Mehdiyev deyib ki, sözügedən pullar Gürcüstan bankında olub:

"Bununla bağlı Gürcüstan bankına müraciət etmişdik. Pullar anamın adına idi. Anam rəhmətə getdikdən sonra vəsait Gürcüstan bankında qalmışdı".

Çingiz Mehdiyev deyib ki, Azərbaycandan aldıqları vərəsəlik sənədi əvvəlcə tanınmayıb. Buna görə də pullar bir müddət Gürcüstan bankında ilişib qalıb. Daha sonra vərəsə kimi tanınıb və pul onun adına köçüb.

Vəkil bildirib ki, Çingiz Mehdiyevin hesabında 857 min dollar olub. Onun sözlərinə görə, bu vəsait Bakı Şəhəri Halqası Əməliyyat Şirkətindən mənimsənilən pullarla uyğun gəlmir.

Müdafiəçi növbəti vəsatətində Gürcüstan bankına müraciət edilməsini və məbləğin dəqiqləşdirilməsi üçün həmin maliyyə sənədlərinin məhkəməyə göndərilməsini xahiş edib.

Dövlət ittihamçısı deyib ki, cinayət işi üzrə lazım olan sənədlər məhkəməyə təqdim edilib və iş materiallarına əlavə olunub. İttihamçı vəsatətin təmin olunmamasını istəyib.

Məhkəmə məbləğlərin dəqiqləşdirilməsi məqsədilə Gürcüstan bankına müraciət edilməsi üçün verilən vəsatəti təmin etməyib. Bildirilib ki, bu məsələ müşavirə otağında nəzərə alınacaq.

Digər vəsatət təmin olunub. Belə ki, məhkəməyə təqdim olunan sənədlər cinayət işinin materiallarına əlavə olunub.

Vəkillər digər vəsatətlərində Hesablama Palatasının şirkətdə audit yoxlaması ilə bağlı faktların məhkəməyə göndərilməsini xahiş ediblər:

"Biz istəsək, verməyəcəklər. Xahiş edirik, məhkəmə bununla bağlı quruma müraciət etsin".

Dövlət ittihamçısı bildirib ki, sözügedən qurumun hər hansı bir sənədi əsas sayıla bilməz. İttihamçının sözlərinə görə, bu işi istintaq orqanı və məhkəmə həyata keçirir. O, vəsatətin təmin ediməməsini istəyib.

Məhkəmə vəsatəti təmin etməyib.

Növbəti proses fevralın 3-də keçiriləcək.

Qeyd edək ki, Çingiz Mehdiyev "Formula-1" yarışının təşkili üçün ayrılmış 400 min manata yaxın pul vəsaitini mənimsəməkdə ittiham olunur.

Ç.Mehdiyev barəsində istintaq dövrü müddətinə həbslə bağlı olmayan qətimkan tədbiri seçilib.скачать dle 11.3




Şahidi olduğunuz hadisələri çəkib bizə göndərin!




            450 27.01.25 14:55