Kaliforniya ştatının idman klubları regionda meşə yanğınlarının fəsadlarının aradan qaldırılmasında iştirak edən xidmətlərə və xeyriyyə təşkilatlarına maliyyə yardımı ayıracaqlar.
Median.Az "The Times"a istinadən xəbər verir ki, Los-Anceles şəhərini təmsil edən klublar xeyriyyə təşkilatlarına səkkiz milyon dollar məbləğində vəsait köçürəcəklər.
Xeyriyyə kampaniyasında futbol, basketbol və beysbol idman növlərindən olan komandalar iştirak edəcəklər.
Xatırladaq ki, yanvarın 7-də Los-Anceles dairəsində meşə yanğınları sürətlə yayılmasına, meteoroloqların sözlərinə görə, quru və çox küləkli hava səbəb olub. Yanğınların ümumi sahəsi 16 min hektarı ötüb. Alov 12 300-dən çox tikilini, o cümlədən məşhurların prestijli rayonlarda yerləşən mülklərini məhv edib. Baydenin oğlu Hanter, aktrisa və model Peris Hilton, aktyor və rejissor Mel Gibsonun evləri yanıb. Son məlumatlara görə, 24 nəfər ölüb.
Şahidi olduğunuz hadisələri çəkib bizə göndərin!
Son Əlavə