Oğuzda dərsə gedən müəllimlər qəzaya düşüblər

Oğuzda baş verən qəzada üç nəfər xəsarət alıb.

Median.Az "Qafqazinfo"ya istinadən xəbər verir ki, hadisə rayonun Kərimli kəndi ərazisində qeydə alınıb.

Belə ki, Oğuz rayon sakini, 1963-cü il təvəllüdlü Şahin Qəzənfər oğlu Məmmədovun idarə etdiyi "Hyundai" markalı avtomobil yoldan çıxaraq ağaca dəyib.

Nəticədə sürücü, onun həyat yoldaşı, 1963-cü il təvəllüdlü Esmira Fikrət qızı Məmmədova və avtomobildə olan daha bir qadın sərnişin xəsarət alıblar. Yaralılar Oğuz Rayon Mərkəzi Xəstəxanasına yerləşdiriliblər.

Məlumata görə, qəzada xəsarət alan Esmira Məmmədova və avtomobildə olan digər qadın məktəblərin birində müəllim işləyirlər. Qəzanın Şahin Məmmədovun həyat yoldaşını məktəbə apararkən baş verdiyi bildirilib.

Faktla bağlı araşdırma aparılır.скачать dle 11.3

Şahidi olduğunuz hadisələri çəkib bizə göndərin!