Bəraət aldıqdan 10 ay sonra həbs edildilər » Median.Az - Bütün xəbərlər bir ünvanda
23:02 Bolqarıstanda hökumətin istefası tələbi ilə kütləvi etiraz aksiyaları keçirilib  |     22:57 Dünyanın ən sürətli 10 reaktiv təyyarəsi: Rekordçu dəyişməz qaldı  |     22:50 Polşa havadan müdafiə tədbirlərini gücləndirib  |     22:45 Bakıda məktəbdə işləmək istəyən ingilis dili müəllimindən 10 min manat aldılar  |     22:38 Əfsanəvi BMW loqosu dəyişdi - FOTO  |     22:30 Salyanda 63 yaşlı kişini güllələyən şəxs SAXLANILDI - FOTO (Yenilənib)  |     22:27 Ağdaşa sel gəldi, traktorlar çınqıl altında qaldı - Video  |     22:13 Azərbaycanda İİV və sifilis: Rəqəmlər nə göstərir?  |     22:09 "Qalatasaray"dan səfər qələbəsi  |     21:58 Məktəblərdə şagird sıxlığı: Siniflər hansı hallarda birləşdirilir?  |     21:51 Problemli kreditlərin həcmi açıqlandı  |     21:46 Bakıdakı məşhur restoranda kütləvi dava: Həbs edilən var  |     21:38 İş adamına qarşı 170 minlik dələduzluq: "Pulu vermək üçün "Lexus"u 50 minə satdım"  |     21:30 Şimali Koreyada "hamburger", "dondurma" və "karaoke" sözləri qadağan edilib  |     21:25 Pentaqon Çinə qarşı gizli silahlar üçün 10,8 milyard dollar ayırdı  |     21:16 Vətəndaş da qazanmaq istəyir, şirkət də: Qiyməti kim təyin edir?  |     21:09 "28 May"dan "Nizami"yə metro işləməyəcək: Alternativ nəqliyyat necə olacaq?  |     21:01 "İmişli" qələbəyə sevinə bilmədi - Texniki məğlubiyyət veriləcək  |     20:55 Gürcüstanın sabiq müdafiə naziri ilə bağlı həbs qərarı verildi  |     20:48 Bu ölkədə "iPhone Air"in satışına icazə verilmədi  |    

Bəraət aldıqdan 10 ay sonra həbs edildilər

Qohumunun avtomobilini yandırmağı sifariş verməkdə və sifarişi icra etməkdə ittiham olunan, lakin məhkəmədə bəraət alan iki nəfər 10 ay sonra həbs edilib.

"Qafqazinfo"nun əldə etdiyi məlumata görə, Bakı Apellyasiya Məhkəməsi prokurorun protesti əsasında belə qərar qəbul edib.

Hakimlər elə qənaətə gəliblər ki, Bakı Hərbi Məhkəməsinin hökmü işin faktiki halları və göz önündə olan əsaslı sübutlarla uyğun gəlmir.

Məlumat üçün deyək ki, cinayət hadisəsi 7 il əvvəl - 2017-ci ildə baş verib.

Həmin vaxt hüquq-mühafizə orqanlarından birində sürücü işləyən Fariz Yunisov tanışı Anar Qasımova qohumunun avtomobilini yandırmağı sifariş verib. Bunun qarşılığında isə ona min manat vəd verib. Anar razılaşmadan sonra zərərçəkmişin evinin qarajındakı "Mercedes-Benz" markalı avtomobilin üstünə 1 litr benzin tökərək yandırıb. Hadisə vaxtı zərərçəkmişin evinin də bir hissəsi yanıb.

İlkin istintaq vaxtı Anar əməlini etiraf etsə də, məhkəmədə nə kimdənsə sifariş aldığını, nə də sözügedən cinayəti törətdiyini boynuna alıb. Sifarişçi kimi mühakimə edilən digər şəxs də özünü təqsirli bilməyib. Onlar avtomobilin elektrik naqillərindəki qısaqapanma nəticəsində alışdığını deyiblər.

Birinci instansiya məhkəməsinin hakimləri təqsirləndirilən şəxslərin səmimiyyətinə inanıblar. "Cinayət hadisəsi yoxdur!" - elan edilərək hər iki müttəhimin bəraətinə hökm verilib.

Bakı Apellyasiya Məhkəməsində Emin Mehdiyevin sədrlik etdiyi hakimlər isə prokurorun sübutlarını əsaslı hesab ediblər.

Qərara əsasən, bəraətverici hökm tamamilə ləğv edilib. Fariz Yunisov 3 il, Anar Qasımov isə 4 il müddətinə azadlıqdan məhrum olunublar. Onlar məhkəmə zalında dərhal həbs ediliblər.скачать dle 11.3




Şahidi olduğunuz hadisələri çəkib bizə göndərin!




            696 24.10.24 11:43