Paris Olimpiya oyunlarının açılışında LGBT qalmaqalı baş verib. Qlobal güclərin dəstəyi ilə maliyyələşən LGBT üzvləri Paris-2024 Olimpiya Oyunlarının açılış mərasimində səhnəyə çıxıblar.

Median.Az Türkiyə mediasına istinadən xəbər verir ki, bütüm dünyada canlı yayımlanan görüntülərində bir qrup şəxs qırmızı xalıdan biabırçı şəkildə keçib.

Belə ki, Olimpiadanın simvolu olan məşəli daşıyanlar arasında cinsi azlıqlar - geylər və translar olublar.

Özlərini "drag queens” kimi təqdim edən Miss Martini, Nicky Doll və Mínima Geste kimi adlar məşəli daşıyıblar.

Olimpiadanın açılışındakı acı görüntülər bununla bitməyib.

LGBT moda nümayişində 9-10 yaşlı balaca qızdan da istifadə edilib.

Fransa müsəlman fransız idmançı Sillanın hicabla Paris Olimpiadasının açılış mərasiminə qatılmasına isə icazə verməyib.

Fransa Olimpiya Komitəsi onun açılış mərasiminə papaq taxmaq şərti ilə icazə verəcəklərini bildirib. İdmançı Silla sosial media hesabında məcburi təklifi qəbul etdiyini açıqlayıb.

Xatırladaq ki, Fransanın idman naziri Oudea-Kastera 24 sentyabr 2023-cü ildə Paris Olimpiya Oyunlarında "sərt dünyəvilik" rejiminin tətbiqinin tərəfdarı olduqlarını bəyan edib.скачать dle 11.3