İranda keçirilən prezident seçkisindən antirekord

İranda keçirilən 14-cü prezident seçkilərində seçici fəallığı 40 faiz olub.

Bununla bağlı İran Daxili İşlər Nazirliyinin Seçki Mərkəzinin sözçüsü Muhsin İslami məlumat verib.

İslami nazirlik binasındakı seçki mərkəzində keçirdiyi mətbuat konfransında seçkidə iştirak nisbətini açıqlayıb.

Onun sözlərinə görə, ölkə üzrə təxminən 62 milyon seçici üçün 59 min mərkəzdə qurulan seçki qutularında cəmi 24 milyon 535 min 185 səsdən istifadə edilib və bununla da iştirak nisbəti 40 faiz təşkil edib.

Buna baxmayaraq, Daxili İşlər Nazirliyinin açıqlamasına görə, Tehran və Qumda son prezident seçkisi ilə müqayisədə iştirak nisbətlərində artım müşahidə olunub.

Xatırladaq ki, 2021-ci il iyunun 18-də ölkədə keçirilən seçki həmin tarixə qədər ən az seçici fəallığının müşahidə olunduğu prezident seçkisi olub və iştirak səviyyəsi 48,8 faiz təşkil edib.

Mənbə: Haber Globalскачать dle 11.3

Şahidi olduğunuz hadisələri çəkib bizə göndərin!