Antoni Blinken Prezident İlham Əliyevə zəng edib » Median.Az - Bütün xəbərlər bir ünvanda
19:18 Azərbaycan XİN Hondurası Müstəqillik Günü münasibətilə təbrik edib  |     19:13 DİM sədri: 2027-ci ildən XI sinif üzrə buraxılış imtahanlarında yeni test modeli tətbiq ediləcək  |     19:05 Gəncə Dövlət Tarix-Mədəniyyət Qoruğuna yeni direktor təyin olunub  |     19:00 "Euronews": Azərbaycan və Ermənistan arasında sülh sazişi regionun inkişafında yeni mərhələ açır  |     18:52 Qəzzanı 350 mindən çox fələstinli tərk edib  |     18:47 Tramp gələn həftə Zelenski ilə görüşə bilər  |     18:41 Rusiyaya qarşı sanksiyalar paketinin qəbulu təxirə salınıb  |     18:33 Biləsuvarda narkokuryerlikdə şübhəli bilinən şəxsdən 6 kiloqram tiryək aşkarlanıb  |     18:28 Mexikoda yük maşınının partlaması nəticəsində ölənlərin sayı 15-ə çatıb  |     18:21 Azərbaycanda gələn il dövlət büdcəsi 42 milyard manata yaxın olacaq  |     18:14 Bu yollarda sıxlıq var - SİYAHI  |     17:32 DİN-in Hərbi İnstitutunda kursantların andiçmə mərasimi keçirildi - VİDEO  |     17:31 Pirallahı qəsəbəsinin bəzi ərazilərində qaz olmayacaq  |     16:36 Bu rayonda işıqlar sönəcək  |     16:35 DOST işçiləri arasında dava: Xadimə həmkarını vurdu  |     15:28 Məktəbli bıçaqlanaraq öldürüldü - Sinif yoldaşı saxlanıldı  |     14:40 Dərman xərcləri niyə kəskin artıb? - AÇIQLAMA  |     14:36 Gələn ilin iqtisadi artım proqnozu açıqlandı  |     14:28 Vergi ilə bağlı mühüm xəbər  |     14:07 Yarım milyon manatlıq dələduzluqda ittiham edilən şəxsə şərti cəza verildi  |    

Antoni Blinken Prezident İlham Əliyevə zəng edib

İyunun 20-də ABŞ Dövlət Katibi Antoni Blinken Azərbaycan Respublikasının Prezidenti İlham Əliyevə zəng edib.

AZƏRTAC xəbər verir ki, bununla bağlı Azərbaycan Prezidentinin Mətbuat Xidməti məlumat yayıb.

Telefon danışığı əsnasında Antoni Blinken Ermənistan və Azərbaycan arasında sülh gündəliyinin irəlilədilməsi baxımından əldə olunmuş nəticələri təqdir edərək ABŞ-nin iki ölkə arasında münasibətlərin normallaşdırılması prosesinə dəstəyini davam etdirməyə əzmli olduğunu vurğulayıb və tərəfləri tezliklə sülh müqaviləsini imzalamağa dəvət edib. Dövlət katibi ABŞ-nin Azərbaycan ilə ikitərəfli əlaqələrə verdiyi əhəmiyyəti qeyd edərək iqlim dəyişikliyi və enerji sahəsində birgə məqsədlərə nail olmaq yolunda ölkələrimiz arasındakı konstruktiv əməkdaşlığı vurğulayıb. Antoni Blinken ölkəsinin Azərbaycan ilə yenilənmiş və daha möhkəm ikitərəfli əlaqələri dəstəklədiyini deyib. Onu da əlavə edib ki, ABŞ Azərbaycanda keçiriləcək COP29-un uğurla nəticələnməsi üçün səylərini əsirgəməyəcək.

Prezident İlham Əliyev regionda sülhün təmin edildiyini, sülh müqaviləsinin əsasını təşkil edən prinsiplərin və onun mətninin təşəbbüskarının Azərbaycan tərəfi olduğunu qeyd edərək ikitərəfli əsasda normallaşma prosesi və sülh gündəliyinin irəli aparılması səylərinin davam etdirildiyini vurğulayıb. ABŞ-ın sülh gündəliyinə töhfə vermək əzmini yüksək qiymətləndirən dövlətimizin başçısı Ermənistanda konstitusiya, müvafiq qanunlar və ölkədaxili normativ-hüquqi aktlar əsasında Azərbaycana qarşı olan ərazi iddialarına son qoyulmasının sülh gündəliyinin irəli aparılması baxımdan vacibliyini qeyd edib.

Prezident İlham Əliyev artıq keçmişin qalığı olan münaqişə səhifəsinin tamamilə bağlanması üçün qeyri-funksional olan ATƏT-in Minsk qrupu və onunla bağlı olan bütün institutların fəaliyyətinə rəsmən xitam verilməsinin vaxtının çoxdan yetişdiyini əlavə edib.

Prezident İlham Əliyev enerji sahəsində ölkələrimiz arasında çoxillik uğurlu əməkdaşlığa toxunub, iqlim dəyişlikliyi və COP29-a hazırlıq prosesi çərçivəsində ölkələrimizin nümayəndə heyətləri arasında səmərəli əməkdaşlıqdan məmnunluğunu ifadə edib və COP29-un uğurla nəticələnməsi üçün ABŞ-nin dəstək niyyətinə görə təşəkkür edib. Dövlətimizin başçısı Azərbaycanın da ABŞ ilə əlaqələrə əhəmiyyət verdiyini və ikitərəfli əlaqələrin daha da möhkəmləndirilməsi və keyfiyyətcə yeni səviyyəyə qaldırılmasını dəstəklədiyini bildirib.

Telefon danışığı əsnasında ölkələrimiz arasında ali səviyyədə məktub mübadilələri, nümayəndə heyətlərinin qarşılıqlı səfərlərindən məmnunluq ifadə edilib, həmçinin insan hüquqları və demokratiya, ölkələrin daxili qanunlarının aliliyinə hörmət kimi məsələlərə dair fikir mübadiləsi aparılıb.скачать dle 11.3




Şahidi olduğunuz hadisələri çəkib bizə göndərin!




            1 140 21.06.24 11:50