Alimpaşa Məmmədova bir həftə vaxt verildi: 13 il müddətinə həbs edilə bilər » Median.Az - Bütün xəbərlər bir ünvanda
22:06 24 il həbsdə yatan 74 yaşlı şəxs yenidən saxlanıldı  |     22:01 İtaliyada 500 nəfərlik dava: 13 polis yaralandı - Derbidə nə baş verdi?  |     21:54 Məşhur kriptovalyuta 24 saatda 90 faiz dəyər itirdi... - Bir gecədə milyardlar "buxarlandı"  |     21:47 Texnologiya nəhənglərindən xəbərdarlıq: Dünya üzrə internet kəsilə bilər  |     21:42 125 il yaşadığını iddia edən insan sirrini açdı  |     21:34 2025-ci ildə dünyanın ən bahalı şəhərləri (SİYAHI)  |     21:26 Kallas Aİ ölkələrini Ukraynaya hərbi yardımı artırmağa çağırıb  |     21:20 Gəncədə biri az yaşlı olmaqla 4 nəfərin qidadan zəhərləndiyi ehtimal olunur  |     21:12 HDQ-nin dalğıc heyəti ilə təlim-metodiki toplanış keçirilib - VİDEO  |     21:07 AzTV-nin keçmiş sədrinin qardaşı oğlunun məhkəməsində zərərçəkən barədə məcburi gətirilmə qərarı çıxarılıb  |     21:00 AFFA əməkdaşları UEFA-nın konfransında iştirak ediblər  |     20:55 Aviasiya Enerji Forumu Qafqazda ilk dəfə Azərbaycanda keçiriləcək  |     20:48 Azərbaycanda fındıq bağlarının dövlət dəstəyilə sığortalanmasına başlanılıb  |     20:40 Sabah Bərdədə 900-ə yaxın abonentin qazı olmayacaq  |     20:34 Ötən həftə azad edilən torpaqlarda 1 200 hektardan çox ərazi minalardan təmizlənib  |     20:29 Rusiya klubunun futbolçusu 16 yaşında vəfat edib  |     20:21 ADSEA: Subasma riskinə qarşı qabaqlayıcı tədbirlər görülür  |     20:15 Azərbaycanda növbəti torpaq hərracı elan edilib  |     20:08 Azərbaycanda aqroturizm inkişaf edirmi?  |     20:03 İrəvanda atışma baş verib, yaralanan var  |    

Alimpaşa Məmmədova bir həftə vaxt verildi: 13 il müddətinə həbs edilə bilər

Şəmkirin keçmiş icra başçısı Alimpaşa Məmmədovun cinayət işi üzrə yenilənmiş məhkəmə istintaqı başa çatıb.

"Qafqazinfo"nun məlumatına görə, Gəncə Ağır Cinayətlər Məhkəməsində keçirilən iclasda prokuror yenidən ittiham nitqi ilə çıxış edib.

Prokuror əvvəlki tələbində qaldığını - A.Məmmədovun verilmiş ittihamlarla təqsirli bilinərək 13 il müddətinə azadlıqdan məhrum edilməsini istəyib. Dövlət ittihamçısı çıxışında sabiq icra başçısının üzərinə həbs qoyulmuş "Azfarel" MMC istisna olmaqla digər əmlaklarının müsadirəsini təklif edib.

Vəkillər müdafiə çıxışında Alimpaşa Məmmədova bəzi maddələr üzrə bəraət, bəziləri ilə isə yüngül cəza verilməsini xahiş ediblər.

Məhkəmə Alimpaşa Məmmədova son sözə hazırlaşması üçün bir həftə vaxt verib.

Qeyd edək ki, Alimpaşa Məmmədov Dövlət Təhlükəsizliyi Xidməti (DTX) tərəfindən həbs edilib. Ona qarşı Cinayət Məcəlləsinin 308.2 (vəzifə səlahiyyətlərindən sui-istifadə), 179.4 (xüsusilə külli miqdarda mənimsəmə), 193-1.3.2 (cinayət yolu ilə əldə edilmiş pul vəsaitlərini leqallaşdırma), 311.3.2 və 311.3.3-cü (təkrar, külli miqdarda rüşvət alma) maddələri ilə ittiham irəli sürülüb. Onun ümumilikdə bazar dəyəri 10 milyondan çox olan - "Azfarel" MMC balıqyetişdirmə və emalı müəssisəsi (bazar dəyəri 8 milyon 270 min manat); "Abad Şəmkir" MMC-yə məxsus daşınan və daşınmaz əmlaklar (bazar dəyəri 1 milyon 335 min manat) və Bakı şəhərində yerləşən iki mənzili (bazar dəyəri 676 min manat) üzərinə həbs qoyulub. A.Məmmədov məhkəmədə özünü təqsirli bildiyini deyib.скачать dle 11.3




Şahidi olduğunuz hadisələri çəkib bizə göndərin!




            849 08.06.24 13:11