Azərbaycanda miqrantlarla bağlı yeni proqram təsis edilir - SƏRƏNCAM » Median.Az - Bütün xəbərlər bir ünvanda
18:00 Şəmkirdə 140 min tona yaxın kartof yığılıb  |     17:47 Ermənistan hərbi təlimə hazırlaşır  |     17:32 27 yaşlı azərbaycanlı gənc Serbiyada faciəvi şəkildə öldü  |     17:18 Türkiyə "Crocus" terroru ilə bağlı Rusiya ilə məlumat mübadiləsi aparır  |     17:04 Sabirabadda azyaşlılara əxlaqsız hərəkət edən şəxs saxlanıldı - Video  |     16:43 Azərbaycanda deputat xadiməni MƏHKƏMƏYƏ VERDİ  |     16:23 Məktəblilərimiz üç medal qazandılar  |     16:22 Sabunçuda yanğın olub  |     15:57 Konor Makqreqor yenidən UFC-yə qayıtdı  |     15:41 Rusiya ordusu daha bir yaşayış məntəqəsini nəzarətə götürüb  |     15:33 Azərbaycanda sabiq məhkəmə hakimi vəfat etdi  |     15:31 Paytaxtda narkotik vasitənin təsiri altında avtoxuliqanlıq edən sürücünün ANBAAN GÖRÜNTÜLƏRİ (Video)  |     15:27 Arıqlamaq üçün sirkə turşusu içən Sumqayıt sakini öldü  |     15:26 SOCAR-ın vitse-prezidenti Azərbaycan qazının Suriyaya tədarükünü yüksək qiymətləndirib  |     13:28 Məhəmməd Əl Bəşir: "Azərbaycan qazının Suriyaya çatdırılması ölkənin bərpasına dəstəkdir"  |     13:27 Kolumbiyanın sabiq prezidenti 12 il azadlıqdan məhrum edilib  |     13:26 Xaçmazda sürücü sükan arxasında ürəktutmasından ölüb, avtomobil ayırıcı zolağa çırpılıb  |     13:25 Mikayıl Cabbarov: "Azərbaycan-Suriya neft-qaz əməkdaşlığı mühüm və tarixi hadisədir"  |     13:25 Necmettin Dönmez: "Azərbaycan qazının Suriyaya ixracı enerji əməkdaşlığını gücləndirəcək"  |     13:24 Sərhəddə ƏMƏLİYYAT: Azərbaycana narkotik vasitənin keçirilməsinin qarşısı alınıb  |    

Azərbaycanda miqrantlarla bağlı yeni proqram təsis edilir - SƏRƏNCAM

Prezident İlham Əliyev yüksəkixtisaslı əcnəbilərin və vətəndaşlığı olmayan şəxslərin Azərbaycan Respublikasında əmək fəaliyyətinə cəlb edilməsi ilə bağlı tədbirlər haqqında Sərəncam imzalayıb.

Bununla bağlı President.az məlumat yayıb.

Sərəncama əsasən, yüksəkixtisaslı əcnəbilərin və vətəndaşlığı olmayan şəxslərin Azərbaycan Respublikasında haqqı ödənilən əmək fəaliyyətinə cəlb edilməsi imkanlarının genişləndirilməsi məqsədilə Yüksəkixtisaslı Miqrant Proqramı təsis edilir.

Nazirlər Kabineti proqram çərçivəsində müraciətləri müsbət cavablandırılmış yüksəkixtisaslı əcnəbilərə və vətəndaşlığı olmayan şəxslərə (bundan sonra – yüksəkixtisaslı miqrant) və onların ailə üzvlərinə münasibətdə tətbiq ediləcək güzəştləri (ölkədə olmaq, yaşamaq və ya haqqı ödənilən əmək fəaliyyəti ilə məşğul olmaq hüququnun əldə edilməsi üçün tələb olunan sənədlər və onların sayı, icazələrin müddəti, iş icazəsi tələbindən azad olunma, müraciətlərə baxılma müddəti və s.) müəyyən edən normativ hüquqi aktların layihələrini üç ay müddətində hazırlayıb Azərbaycan Respublikasının Prezidentinə təqdim etməli, şəxsin yüksəkixtisaslı miqrant hesab olunmasının qiymətləndirilməsi meyarlarını və qaydasını üç ay müddətində Azərbaycan Respublikasının Prezidenti ilə razılaşdırmaqla təsdiq etməli, bu Sərəncamın 3.1-ci bəndində nəzərdə tutulan portal haqqında əsasnaməni və həmin portala inteqrasiya olunacaq informasiya sistemlərinin siyahısını üç ay müddətində təsdiq edib bu barədə Azərbaycan Respublikasının Prezidentinə məlumat verməli, bu Sərəncamdan irəli gələn digər məsələləri həll etməlidir.

Dövlət Miqrasiya Xidməti proqram iştirakçılarının müraciətlərinin qəbulunu və cavablandırılmasını "bir pəncərə" prinsipi əsasında təmin edən portalın yaradılmasını iki ay müddətində təmin etməli, portala daxil olan müraciətlərə baxılmanı Azərbaycan Respublikası Dövlət Miqrasiya Xidmətinin vahid miqrasiya məlumat sistemində yaradılan "Yüksəkixtisaslı miqrantlar" altsistemi vasitəsilə həyata keçirməli, portalda olan fərdi məlumatların və portal vasitəsilə aparılan əməliyyatların təhlükəsizliyinin təmin edilməsi ilə bağlı Azərbaycan Respublikasının Xüsusi Rabitə və İnformasiya Təhlükəsizliyi Dövlət Xidməti ilə birlikdə tədbirlər görməlidir.

Rəqəmsal İnkişaf və Nəqliyyat Nazirliyi "Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları"nın təsdiq edilməsi və elektron hökumətlə bağlı bəzi tədbirlər haqqında" Azərbaycan Respublikası Prezidentinin 2018-ci il 12 sentyabr tarixli 263 nömrəli Fərmanına uyğun olaraq, portalın aidiyyəti dövlət informasiya ehtiyatları və sistemləri ilə əlaqələndirilməsini Elektron Hökumət İnformasiya Sistemi vasitəsilə təmin etməlidir.

Xarici İşlər Nazirliyi Azərbaycan Respublikasının xarici ölkələrdəki diplomatik nümayəndəlikləri və konsulluqları vasitəsilə Proqramın təbliğ və təşviq olunmasını təmin etməlidir.скачать dle 11.3




Şahidi olduğunuz hadisələri çəkib bizə göndərin!




            795 06.06.24 14:39