Azərbaycan əhalisi ötən il 78 milyard manatdan çox gəlir əldə edib və bunun 75 milyard manatını xərcləyib. Bir ildə əhalinin qənaət edə bildiyi vəsait isə 3,026 milyard manat olub.


Median.az rəsmi məlumatlara istinadən xəbər verir ki, əhalinin gəlirlərinin 32,65 milyard manatı sahibkarlıq fəaliyyətindən, 30,4 milyard manat əmək ödənişlərindən (maaş, qonarar və s.), 2,66 milyard manatı mülkiyyətdən əldə edilib.


Gəlirinin 12,3 milyard manatı isə cari transferlər hesabına yaranıb.


Xərclərin strukturunda ən çox paya son istehlak (ərzaq, qeyri-ərzaq və pullu xidmətlər – red.) xərcləri sahibdir. Əhali son istehlaka 65 milyard manatdan çox pul xərcləyib. Digər xərclərə isə 10 milyard manat gedib.


2023-cü ildə əhali əvvəlki iki ilə nisbətən daha çox vəsaitə qənaət edə bilib. 2021-ci ildə 1,83 milyard manat, 2022-ci ildə 2,7 milyard manata qənaət edilsə də 2023-cü ildə qənaət məbləği 3 milyard manatı ötüb. Qənaət olunan vəsaitin 2 milyard manatı qeyri-maliyyə aktivlərinə (daşınmaz əmlak və s.), 1,027 milyard manatı maliyyə aktivlərinin yığımına sərf olunub.
//sfera.az
скачать dle 11.3