Goranboyda piyadanın ölümü ilə nəticələnən qəza baş verib

Goranboyda piyadanın ölümü ilə nəticələnən yol-nəqliyyat hadisəsi baş verib.

APA-nın yerli bürosunun məlumatına görə, hadisə Bakı-Qazax magistral yolunun Goranboyun Borsunlu kəndindən keçən hissəsində qeydə alınıb.

Hərəkətdə olan minik maşını yolu keçmək istəyən piyada Rəşid Böyükkişiyevi vurub.

Piyada hadisə yerində ölüb. Faktla bağlı araşdırma aparılır.