AZƏRTAC-dan Fransa mətbuatında əməkdaşları ilə bağlı yayılan dezinformasiya ilə bağlı AÇIQLAMA - FOTO » Median.Az - Bütün xəbərlər bir ünvanda
23:02 Müdirinizin sizi işdən çıxarmaq istədiyini göstərən 8 əlamət  |     22:56 Təmir xərcləri baha başa gələ bilər: Ən etibarsız avtomobil istehsalçısı açıqlandı  |     22:49 İranda zavodda partlayış: Ölən və yaralananlar var  |     22:27 Sənədsiz ev sahiblərinin NƏZƏRİNƏ - VİDEO  |     22:19 Daha bir taksi sürücüsü müştərisinə qarşı dələduzluq edib  |     22:17 Azərbaycan hansı ölkələrdən soğan alır? - Kiloqramı 68 qəpikdən  |     21:56 Professor Tamilla Məmmədova vəfat etdi  |     21:48 Bu rayonda yas verilməsi ləğv edildi  |     21:42 Qaxda səkkiz gün əvvəl avtomobilin vurduğu piyada xəstəxanada ölüb  |     21:40 Goranboyda maşın evə çırpıldı - Xəsarət alanlar var  |     21:33 Nikkei nəşri Yalçın Rəfiyevlə müsahibəni dərc edib  |     21:28 Tamilla Məmmədova vəfat etdi  |     21:00 Uğurlu uşaq böyütmək üçün 5 tövsiyə  |     20:53 Ukrayna Rusiyanın "Kinjal" daşıyan MiQ-31 təyyarəsini Savasleyka aerodromunda vurdu  |     20:47 Qlobal istiləşmənin əsas səbəbi açıqlandı  |     20:41 Cəlilabadda xırdabuynuzlu heyvanlar kütləvi şəkildə tələf olur  |     20:36 DSX-nin hərbçisi Biləsuvarda dəfn olunub  |     20:30 "Mərkəzi Asiya - Çin" sammiti iyunun 16-17-də Astanada keçiriləcək  |     20:23 Azərbaycan millisinin sabiq futbolçusu: "Uğursuzluq tilsimini Macarıstanla oyunda qırmaq çətin olar"  |     20:18 Peskov: Rusiya və Ukrayna danışıqları davam etdirməlidir  |    

AZƏRTAC-dan Fransa mətbuatında əməkdaşları ilə bağlı yayılan dezinformasiya ilə bağlı AÇIQLAMA - FOTO

Fransa mətbuatında guya AZƏRTAC-ın əməkdaşlarının Yeni Kaledoniyaya Fransada sabitliyi pozmaq üçün göndərildiyi, hətta onların “casus” adlandırıldıqları dezinformasiya tirajlanır.

AZƏRTAC məsələ ilə bağlı açıqlama yayıb.

Xatırladaq ki, AZƏRTAC-ın iki jurnalisti redaksiya tapşırığını yerinə yetirmək üçün 2023-cü il dekabrın 3-də Yeni Kaledoniyaya ezam olunmuşdular. Onlardan biri viza bəhanəsi ilə ölkəyə buraxılmayıb, bir sutka polis nəzarətində saxlanıldıqdan sonra ölkədən çıxarılıb.

“Uzun müddətdir ki, jurnalist fəaliyyəti ilə məşğul olan əməkdaşlarımıza “casus” damğasının vurulması qəbuledilməzdir. Jurnalistimizə qarşı edilən haqsızlıqdan və bunun bütün dünyaya yayılmasından sonra belə bir yazının meydana çıxması onu göstərir ki, bu dezinformasiyanın arxasında Fransa rəsmi qurumları dayanır. Bu, Yeni Kaledoniyada jurnalistimizə qarşı törədilən haqsızlığı ört-basdır etmək cəhdindən başqa bir şey deyildir. Yeni Kaledoniyada azadlıq tələbi ilə yürüşə çıxanların haqq səsini dünyaya çatdırmaq istəyən jurnalistlərə Fransa hökumətinin bu cür qeyri-rəsmi formada “casus” damğası vurmaq cəhdi demokratiya, azad söz, media azadlığı kimi fundamental prinsiplərin tələblərinə qarşı çox böyük hörmətsizlikdir.

Jurnalistimizə qarşı Yeni Kaledoniyada edilən haqsızlığı hətta Kaledoniya İttifaqı siyasi partiyasının prezidenti Daniel Qoa da öz açıqlamasında pisləyib. Onun jurnalistimizə yazdığı məktubda deyilir: “Kaledoniya İttifaqı siyasi partiyasının prezidenti, Kanak və Sosialist Milli Azadlıq Cəbhəsinin (FLNKS) sözçüsü olaraq, 2023-cü il dekabrın 3-də Numeaya səfəriniz zamanı məruz qaldığınız ayrı-seçkiliklə əlaqədar Sizə tam dəstəyimi ifadə etmək istəyirəm. Biz bir daha müstəmləkə hökmranlığı altında olan xalqlarla bağlı məlumatların yayılmasına qarşı həqiqətən ifrat müstəmləkəçi münasibətinin şahidi olduq”.

Feyk məqalədə qeyd edilir ki, Fransanın müdafiə naziri həmin ərəfədə Yeni Kaledoniyaya səfər edib və jurnalistlər də məhz bunu işıqlandırmaq üçün oraya gediblər. Həmçinin məqalədə jurnalistlərin “casus” olduğu yazılır. Bununla da onlar özlərini təkzib etmiş olurlar – bir tərəfdən yazırlar ki, jurnalistlər ora hadisələri işıqlandırmağa gediblər, ardınca isə onları “casus” adlandırırlar. Qeyd etməliyik ki, AZƏRTAC-ın jurnalistlərinə redaksiya tapşırığı məhz dekabrın 5-də keçirilmiş müstəqillik mitinqinin işıqlandırılması olub. Bundan əlavə, əməkdaşlarımız yerli kanak xalqının həyat tərzi, sosial-iqtisadi vəziyyəti, mədəniyyəti haqqında reportajlar hazırlamalı idilər. Təəssüf ki, verilən redaksiya tapşırıqları bir əməkdaşımızın ölkəyə buraxılmaması səbəbindən tam olaraq yerinə yetirilməyib.

AZƏRTAC məqalədə qeyd olunan absurd və cəfəng iddiaları qəti şəkildə rədd edir və bunu təxribat xarakterli feyk informasiya sayır. Fransa mediasının bu cür dezinformasiya yaymasını azad mətbuat göstəricisi yox, məhz beynəlxalq ictimaiyyətdə çaşqınlıq yaratmaq və həqiqətləri gizlətmək cəhdi kimi qətiyyətlə pisləyirik”, - deyə məlumatda qeyd olunub.


скачать dle 11.3




Şahidi olduğunuz hadisələri çəkib bizə göndərin!




            2 013 12.12.23 22:16