Nazir qızılcaya görə məktəblərin bağlanıb-bağlanmayacağına aydınlıq gətirib

Elm və təhsil naziri Emin Əmrullayev məktəblərdə şagirdlər arasında qızılca xəstəliyi ilə bağlı yayılan xəbərlərdən danışıb.

Bunu elm və təhsil naziri Emin Əmrullayev media üçün keçirdiyi brifinqdə bildirib.

Onun sözlərinə görə, hazırda üç şagirddə qızılca xəstəliyinin olması barədə məlumat var:

“Məktəblərdə şagirdlər arasında qızılcanın yayılması ilə bağlı diaqnoz qoyma səlahiyyəti nə mənim, nə də direktorundur. Bunu həkimlər edir. Regional idarələrdən gələn məlumatları toplayarıq, Səhiyyə Nazirliyi ilə işləyirik. Rəsmi məlumatlara əsasən, bu və ya digər müəssisədə qapanmaya getməyi planlaşdırmırıq.

Növbəti günlərdə təhlillər aparıldıqca təhlükəli yerlər yaranarsa sinfin, məktəbin müəyyən müddətlik distant təhsilə keçirilməsi qərarı verilə bilər. Bu o halda olacaq ki, mütəxəssislərin fikrincə vəziyyət uşaqların həyatı üçün təhlükə yarada bilər”.скачать dle 11.3

Şahidi olduğunuz hadisələri çəkib bizə göndərin!