Qazax Rayon Polis Şöbəsinin əməkdaşları qanunsuz saxlanılan silah-sursatın aşkarlanaraq götürülməsi və gələcəkdə baş verə biləcək cinayətlərin qarşısının alınması istiqamətində əməliyyat-axtarış və profilaktiki tədbirləri davam etdirirlər.
Daxili İşlər Nazirliyinin Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov bildirib ki, keçirilən müvafiq tədbirlər nəticəsində həftə ərzində altı nəfər rayon sakini müvafiq sənədləri olmayan, müxtəlif marka və kalibrli, yivli və yivsiz ov silahlarını polisə könüllü təhvil veriblər:
“Bu il ərzində keçirilən müvafiq tədbirlər nəticəsində iki əl qumbarası, yeddi silah aşkarlanıb:
İl ərzində əməliyyat yolu ilə vətəndaşdan bir odlu silahəldə edilib və cinayət işi başlanılıb. Eyni zamanda, dörd tapıntı və iki könüllü silah təqdim edilib”.
O qeyd edib ki, həmin silahlar müvafiq ekspertizaya təqdim edilib və faktlarla bağlı araşdırmalar davam etdirilir.
Şahidi olduğunuz hadisələri çəkib bizə göndərin!
Son Əlavə