Prezident İlham Əliyevə Lahıcdakı Bədöyün məscidində “Qurani-Kərim” hədiyyə olunub FOTO » Median.Az - Bütün xəbərlər bir ünvanda
16:10 Azərbaycanda bələdiyyələrin bir səlahiyyəti ləğv edildi  |     16:08 Ceyhun Bayramov Suriya XİN rəhbəri ilə telefonla danışıb  |     16:08 Bakıda şagirdləri dəyənəklə döyən müəllimlə bağlı ARAŞDIRMA APARILIR  |     16:06 Ağdamda doğuş zamanı ana kliniki ölüm keçirdi - Körpəsi həyatını itirdi (YENİLƏNİB)  |     16:03 Dövlət sərhədini qanunsuz keçməyə cəhd göstərən şəxslər saxlanıldılar  |     16:02 Paşinyan: "Ermənistan Azərbaycanla sülh sazişini imzalamağa və Minsk qrupunu ləğv etməyə hazırdır"  |     16:00 Bəzi çaylardan sel keçəcək, daşqın olacaq - XƏBƏRDARLIQ  |     15:58 TÜRKPA-nın komitə sədrləri Heydər Əliyevin məzarını və Zəfər parkını ziyarət ediblər  |     15:57 Leyla Əliyeva Zərifə Əliyeva ilə bağlı paylaşım etdi - FOTO  |     15:54 Aparıcı Azər Zahidlə yanaşı, "Rosh life" ləqəbli tiktokerin də HƏBS MÜDDƏTİ UZADILDI  |     15:52 Gəncədə qidadan zəhərlənən şəxslərin SON VƏZİYYƏTİ AÇIQLANDI  |     13:32 Ruben Vardanyanın cinayət işi üzrə növbəti məhkəmə prosesi keçirilir  |     13:31 Bu ilin yanvar-fevral ayında Azərbaycanda 10 mindən çox ölüm halı qeydə alınıb  |     13:30 Azərbaycanın ən böyük üç bankının təmərküzləşmə səviyyəsi artıb  |     13:27 DTX Naxçıvan Səhiyyə Nazirliyində araşdırmalara başlayıb  |     13:26 Azərbaycan əhalisinin gəlirləri 7 faizə yaxın artıb  |     13:24 Hacıqabulda qadın yağış suyunda BOĞULDU  |     13:19 İrandan Azərbaycana PUA ilə narkotik keçirilməsinin qarşısı alındı  |     13:19 Azərbaycan əhalisinin sayı açıqlanıb  |     13:17 Azərbaycanda örüş, otlaq və biçənək sahələrinin istifadəyə və icarəyə verilməsi qaydaları dəyişib  |    

Prezident İlham Əliyevə Lahıcdakı Bədöyün məscidində “Qurani-Kərim” hədiyyə olunub FOTO

Noyabrın 1-də Azərbaycan Respublikasının Prezidenti İlham Əliyev və birinci xanım Mehriban Əliyeva İsmayıllıya səfər çərçivəsində Lahıc qəsəbəsində olublar.

Prezident İlham Əliyev və Birinci vitse-prezident Mehriban Əliyeva Lahıcdakı Bədöyün məscidində aparılan bərpa-təmir işləri ilə tanış olublar.

Qeyd edək ki, 2019-cu ildə Birinci vitse-prezident Mehriban Əliyeva İsmayıllı rayonunun Lahıc qəsəbəsində səfərdə olarkən sakinlər Bədöyün məscidinin təmiri ilə bağlı müraciət etmişdilər. Birinci vitse-prezident məsciddəki vəziyyətlə tanış olmuş və burada əsaslı təmir işlərinin aparılması barədə tapşırıq vermişdi.

Azərbaycan Prezidentinin köməkçisi Anar Ələkbərov məlumat verdi ki, ötən müddət ərzində 1791-ci ildə inşa edilən Bədöyün məscidində və ətraf ərazilərdə Heydər Əliyev Fondunun dəstəyi ilə bərpa-təmir işləri aparılıb. Görülən işlər nəticəsində məscid orijinal formasına uyğun bərpa edilib. Məscidin minarəsi yenidən qurulub, dəstəmazxana inşa olunub. Məscidin qadınlar üçün nəzərdə tutulan hücrə və şəbəkələri əvvəlki görünüşünə qaytarılıb.

Məscidin axundu: Salam, xoş gəlmisiniz.

Prezident İlham Əliyev: Salam. Xoş gördük


Birinci xanım Mehriban Əliyeva: Salam. Xoş gördük.

Məscidin axundu: Cənab Prezident, bunu Lahıc, İsmayıllı ictimaiyyəti tərəfindən bizdən qəbul edin, buyurun.

Dövlətimizin başçısına Qurani-Kərim hədiyyə olundu.

Prezident İlham Əliyev: Çox sağ ol, təşəkkür edirəm sizə.

Məscidin axundu: Çox sağ olun.

Prezident İlham Əliyev: Lahıcda neçə məscid var?

Məscidin axundu: Bu səviyyədə 5 dənə.

Prezident İlham Əliyev: O məscidlərdə vəziyyət necədir?

Məscidin axundu: Onların da vəziyyəti belə yaxşıdır.

Prezident İlham Əliyev: Hamısı açıqdır?

Məscidin axundu: Bəli, hamısı açıqdır.

Prezident İlham Əliyev: Bu, təmir zamanı üzə çıxıb?

Məscidin axundu: Təmir zamanı arxeoloji tədqiqatlar aparıldı, belə bir şey üzə çıxdı.

Prezident İlham Əliyev: Maraqlıdır, görünür burada qədim bir məbəd olub.

Qeyd edək ki, Heydər Əliyev Fondu fəaliyyət göstərdiyi ilk gündən Azərbaycanda müxtəlif sahələri əhatə edən layihə və proqramlar həyata keçirir. Fondun tarixi, mədəni və dini abidələrin qorunub saxlanılması və bərpası istiqamətindəki fəaliyyəti mühüm əhəmiyyət kəsb edir. Azərbaycan xalqının milli sərvəti olan dini abidələrimizin, məscidlərimizin bərpası üzrə layihələr çərçivəsində bölgələrdəki ziyarətgahlarımızın bərpası, konservasiyası və yenidən qurulması həyata keçirilir.

Onu da deyək ki, Lahıcda aparılan yenidənqurma işləri çərçivəsində qəsəbədə küçə döşəmələri, bulaqlar və eyvanların tarixi görünüşü də bərpa edilir, ərazidə oturacaqlar, tullantı qabları, gül dibçəkləri, tarixi quruluşlu işıq dirəkləri, küçə və abidə adları olan, eyni zamanda, turistik obyektləri göstərən lövhələr quraşdırılır.

Görülən işlər turistlərin Lahıca olan marağını daha da artırıb. Hər il bura gələn turistlərin sayında artım müşahidə edilir. Belə ki, 2019-cu ildə Lahıca 89 min nəfər turist gəlib. Onun da 37 minini xarici turistlər təşkil edib. Bu ilin sentyabrına qədər isə artıq Lahıcı 82 min turist ziyarət edib.

скачать dle 11.3




Şahidi olduğunuz hadisələri çəkib bizə göndərin!




            741 02.11.21 00:09