Əfqanıstanda toylarda canlı musiqilər qadağan edildi

Əfqanıstanda hakimiyyəti ələ keçirən “Taliban” hərəkatı ölkədə toyların keçirilməsi qaydalarını müəyyən edib. Bu qaydalardan birinə görə, şənliklər zamanı canlı musiqi qadağandır.

Bu barədə Əfqanıstan Beynəlxalq telekanalı məlumat yayıb.

Bildirilir ki, bayram yeməyindən əvvəl kəbin mərasimi də qadağan edilib, həmçinin qadın və kişilərin mərasimi fərqli otaqlarda qeyd etmələri barədə göstəriş verilib.

Əfqanların çoxu üçün toy həyatdakı əsas hadisə sayılır və üç gün davam edir. Bəzən bir neçə yüzə qədər qonağın qatıldığı mərasimin şərəfinə ənənəvi olaraq zəngin süfrələr açılır və bahalı hədiyyələr hazırlanır; varlı ailələrdə bunlar torpaq sahələri, avtomobillər və hətta evlər ola bilər.