Yəmənin şimalında hakimiyyəti ələ keçirən husilər ölkənin mərkəzi hissəsindəki Əl-Beyda əyalətini də tam nəzarətə götürüblər.
Median.Az xəbər verir ki, bu barədə "Əl-Masirah" telekanalı məlumat yayıb.
48 saat davam edən son əməliyyat nəticəsində əyalətin çox hissəsi ələ alınıb.
Ərəb koalisiyası Yəmən hakimiyyətinə dəstək olaraq husilərə qarşı 30-dan çox hava hücumu təşkil edib. İki gün davam edən döyüşlərdə hökumət ordusunun 70 əsgəri öldürülüb, 120 nəfər yaralanıb və 40 nəfər əsir götürülüb.
Qeyd edək ki, Yəməndə 2014-cü ilin avqustundan indiyədək hökumət qüvvələri ilə husilər arasında qarşıdurma davam edir. Bu il husilər hökumətin nəzarətində olan bir sıra strateji əhəmiyyətli əyalətlərə, xüsusən də şimaldakı Marib əyalətinə qarşı hücumlarını gücləndiriblər.
Şahidi olduğunuz hadisələri çəkib bizə göndərin!
Son Əlavə