“Bəzi xəbər saytlarında və sosial şəbəkələrdə Murovdağ tunelinin 500 metrlik hissəsinin tikintisinin yekunlaşdırılması ilə bağlı dəqiqləşdirilməmiş xəbər paylaşılıb”.
Bu barədə Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli bildirib.
“Tunelin inşasına yeni başlanılıb və qısa müddət ərzində bu tunelin 500 metrlik hissəsinin tikintisinin yekunlaşdırılması qeyri-mümkündür. Düzdür, biz də agentlik olaraq istəyərdik ki, yazılan kimi qısa müddətdə bu cür miqyasda iş icra olunsun. Amma reallıqda bu mümkün deyil. Çünki tunel inşası heç də asan başa gəlmir.
Hazırda təyin olunmuş vaxtda tikintinin tamamlanması üçün qazma, partlatma və qırıcı üsullarla dəniz səviyyəsindən 1700 metr hündürlükdə Murovdağ tunelinin inşası istiqamətində genişmiqyaslı işlər icra olunur. Bunun üçün əraziyə lazımi sayda canlı qüvvə və xüsusi texnikalar səfərbər olunub.
Murovdağ tunelinin və ümumiyyətlə Qarabağ və Şərqi Zəngəzur ərazisində icra olunan yol infrastrukturu layihələri barədə mütəmadi olaraq məlumatları agentliyimizin rəsmi internet səhifəsi və sosial şəbəkə hesablarından əldə edə bilərsiniz”, - o deyib.
* * * * *
Türkiyədən olan mütəxəssislərin iştirakı ilə Murovdağın içərisindən qazılmış tunelin bir hissəsinin inşası başa çatdırılıb.
Tunelin artıq 500 metr uzunluğunda olan hissəsi hazırdır.
Qeyd edilib ki, tunel vasitəsilə Murovdağın üzərindən keçməklə daha uzun yol qət etmək məcburiyyəti aradan qaldırılır və məsafə maksimum azaldılır.
Əlavə edilib ki, hazırda tunelin içərisində digər tamamlanma işləri aparılmalıdır.
Şahidi olduğunuz hadisələri çəkib bizə göndərin!
Son Əlavə