Texniki baxış şöbəsində vətəndaşdan rüşvət alınıb? - DİN-dən AÇIQLAMA
Vətəndaş Xırdalanda yerləşən Baş Dövlət Yol Polisi İdarəsinin Qeydiyyat-imtahan və texniki baxış şöbəsində ondan rüşvət alındığını iddia edib.
Bu barədə vətəndaş Rüfət Mədətli Oxu.Az-ın redaksiyasına şikayət ünvanlayıb.
O iddia edib ki, tanışının avtomobilini alqı-satqı əməliyyatı üçün şöbəyə gətiriblər. Bu zaman onlardan pul tələb edilib:
“İlkin olaraq ərizə çapı üçün 10 manat istənildi, vermədik və ərizəni özümüz doldurduq. Daha sonra hansısa inspektor heç bir səbəb olmadan 10 manat istədi, onu da vermədik. Qanunla maşının 50-60 manatlıq dövlət rüsumuna görə, guya nəsə texniki səhv taparaq bizdən 130 manat pul aldılar”.
Məsələ barədə Baş Dövlət Yol Polisi İdarəsi ilə əlaqə saxladıq.
Qurumun İctimaiyyətlə Əlaqələr Şöbəsinin rəisi Namidan Piriyev Oxu.Az-ın sorğusuna cavab olaraq bildirib ki, məsələ barədə araşdırılma aparılır:
“Bildirmək istəyirəm ki, vətəndaş məlumatı dəqiqləşdirmədən informasiya yayır. Vətəndaşın özü yox, tanışı maşını alqı-satqı edib. Çox güman ki, iddia etdiyi 130 manat pul rüsumun məbləğidir. Vətəndaş şikayət ünvanlayanda nəqliyyat vasitəsinin buraxılış ili, mühərrikinin həcmi və s. barədə məlumatları təqdim etməyib.
Çünki rüsum hər maşının mühərrikinin həcmindən, istehsal ilindən asılı olaraq dəyişir. Dövlət qeydiyyatı zamanı konkret bir rüsumun alınması deyə bir şey yoxdur. Avtomobil var ki, qeydiyyat zamanı rüsumu 1 500 manatdır. Vətəndaşın dediyi məsələ ilə bağlı araşdırma aparılır”.
Bu barədə vətəndaş Rüfət Mədətli Oxu.Az-ın redaksiyasına şikayət ünvanlayıb.
O iddia edib ki, tanışının avtomobilini alqı-satqı əməliyyatı üçün şöbəyə gətiriblər. Bu zaman onlardan pul tələb edilib:
“İlkin olaraq ərizə çapı üçün 10 manat istənildi, vermədik və ərizəni özümüz doldurduq. Daha sonra hansısa inspektor heç bir səbəb olmadan 10 manat istədi, onu da vermədik. Qanunla maşının 50-60 manatlıq dövlət rüsumuna görə, guya nəsə texniki səhv taparaq bizdən 130 manat pul aldılar”.
Məsələ barədə Baş Dövlət Yol Polisi İdarəsi ilə əlaqə saxladıq.
Qurumun İctimaiyyətlə Əlaqələr Şöbəsinin rəisi Namidan Piriyev Oxu.Az-ın sorğusuna cavab olaraq bildirib ki, məsələ barədə araşdırılma aparılır:
“Bildirmək istəyirəm ki, vətəndaş məlumatı dəqiqləşdirmədən informasiya yayır. Vətəndaşın özü yox, tanışı maşını alqı-satqı edib. Çox güman ki, iddia etdiyi 130 manat pul rüsumun məbləğidir. Vətəndaş şikayət ünvanlayanda nəqliyyat vasitəsinin buraxılış ili, mühərrikinin həcmi və s. barədə məlumatları təqdim etməyib.
Çünki rüsum hər maşının mühərrikinin həcmindən, istehsal ilindən asılı olaraq dəyişir. Dövlət qeydiyyatı zamanı konkret bir rüsumun alınması deyə bir şey yoxdur. Avtomobil var ki, qeydiyyat zamanı rüsumu 1 500 manatdır. Vətəndaşın dediyi məsələ ilə bağlı araşdırma aparılır”.
