“Meşə ərazilərinin açıq sahələrində aqrobağların salınması üçün 9530 hektar ərazi hüquqi və fiziki şəxslərlə müqavilə əsasında icarəyə verilib”.
Bunu Ekologiya və Təbii Sərvətlər Nazirliyinin (ETSN) rəsmi “Facebook” səhifəsində “Ekspert saatı” verilişinin canlı yayımında nazirliyin Meşələrin İnkişafı Xidmətinin rəisi Namik Xıdırov bildirib.
Onun sözlərinə görə, mütəmadi olaraq verilmiş sahələrlə icarə şərtlərinə əməl edilib-edilməməsi ilə bağlı monitorinq aparılır:
“2020-ci ilin payız aylarında aparılan monitorinq zamanı meşə sahələrinin ərazisində aqrobağlar salmaq istiqamətində lazımi qaydada işlər aparmayan icarəçilərə xəbərdarlıq edilib. Ötən il şərtlərə əməl etməyən altı icarəçi ilə müqavilə ləğv edilib. Meşə qanunvericiliyinin pozuntusuna görə icraçı ilə bərabər işində nöqsana yol verən regional idarənin müdiri cəzalandırılıb. Direktor, meşəbəyi və iki gözətçi vəzifəsindən azad edilib”.
O qeyd edib ki, meşə sahələrində aqrobağların salınması üçün torpaq sahəsi 1 ildən 49 ilə kimi icarəyə verilir.
Şahidi olduğunuz hadisələri çəkib bizə göndərin!
Son Əlavə