ABŞ-ın Texas ştatında respublikaçılar partiyasının sədri Allen Uest ABŞ Ali Məhkəməsinin 3 noyabr seçkilərinin nəticələrini nəzərdən keçirmək iddiasını rədd etmə qərarına cavab olaraq, ölkə konstitusiyasının prinsiplərinə riayət edəcək “Dövlətlər Birliyi”nin qurulmasını təklif edib.
TASS xəbər verir ki, bu barədə bəyanat partiyanın rəsmi saytında yayımlanıb.
Onun sözlərinə görə, Texasın Corciya, Miçiqan, Pensilvaniya və Viskonsinə qarşı iddiasını rədd edən Ali Məhkəmənin qərarı bəzi ştatların ABŞ konstitusiyasını pozmasına və bunun üçün məsuliyyət daşımamasına imkan verən təhlükəli bir vəziyyət yaradır.
“Ali Məhkəmə, 17 əyalət və 106 ABŞ konqresmeninin dəstəklədiyi Texas iddiasını rədd edərək, istənilən ştatın konstitusiyaya zidd hərəkətlər edib, öz seçki qanunlarını poza bilməsinə qərar verib”, - deyə o bildirib.
A.Uest qeyd edib ki, bəlkə də qanuna tabe olan dövlətlər bir araya gələrək konstitusiyaya sadiq qalan “Ştatlar Birliyi”ni yaratmalıdırlar.
Texaslı respublikaçıların başçısının sözləri artıq ictimaiyyət və media tərəfindən birmənalı qarşılanmayıb və reaksiyalara səbəb olub.
Şahidi olduğunuz hadisələri çəkib bizə göndərin!
Son Əlavə