Britaniyada yaşayan həmyerlilərimiz bir sıra ölkələrin Londondakı səfirliyinə təşəkkür məktubu təqdim edib
Britaniyada yaşayan həmyerlilərimiz Azərbaycanı beynəlxalq arenada rəsmi dəstəkləyən bir sıra ölkələrin Londondakı səfirliyinə təşəkkür məktubu təqdim edib.
APA-nın Britaniya bürosunun verdiyi xəbərə görə, Londondakı Azərbaycan icmasının üzvləri Türkiyənin, Ukraynanın və Əfqanıstanın Britaniyadakı səfirliklərinə Azərbaycanı dəstəklədikləri üçün təşəkkür məktubu təqdim edib.
Koronavirusa qarşı tətbiq edilən qaydalar səbəbindən 6 nəfərlə məhdudlaşdırılan heyət əvvəlcə Türkiyənin Londondakı səfiri Ümit Yalçın ilə görüşüb.
Səfir Ümit Yalçın bildirib ki, Türkiyə Azərbaycanla dostluq və qardaşlığı hər zaman davam etdirəcək: “Biz bir millət, iki dövlət dedik. Azərbaycan öz dövlətini, torpağını haqsızlıqlara və işğala qarşı qoruyur. Türkiyə də özünü müdafiənin arxasında durur və durmağa davam edəcək. O vaxta qədər ki, Azərbaycanın ərazi bütövlüyünü təmin etsin”.
Səfirliyə ünvanlanan məktubda Ermənistanın 27 sentyabr səhər saatlarında cəbhə xətti boyunca yaşayış yerlərini atəşə tutduğu bildirilib. Qeyd edilib ki, atəş nəticəsində Azərbaycanın dinc əhalisi, mülki vətəndaşları, qadınlar həyatını itirib:
“Dəstəyiniz üçün, hər zaman yanımızda olduğunuza və dualarınızı əsirgəmədiyinizə görə sizə sonsuz təşəkkür edirik. Bu çətin dövrdə strateji və siyasi baxımdan qeyd-şərtsiz dəstəyiniz bizim üçün əvəzsizdir”, - deyə məktubda qeyd edilib.
Ziyarətdə iştirak edən Londonda yaşayan azərbaycanlı Şahin Vəlisoy Türkiyənin dəstəyinin Azərbaycana hər zaman nəfəs verdiyini bildirib. O, Türkiyə tərəfindən verilən dəstəyin gələcək nəsillər tərəfindən də önəmli olduğuna diqqət çəkib.
Azərbaycan icması daha sonra Əfqanıstan səfirliyinə gedərək siyasi məsləhətçi Mohammed Hanif Ahmadzai ilə görüşüb. M.Ahmadzai Azərbaycanla Əfqanıstanın tarixi dostluq münasibətlərinə toxunaraq ölkəmizə hər zaman dəstək olduqlarını bildirib.
Daha sonra isə Ukraynanın Londondakı səfirliyinin əməkdaşına təşəkkür məktubu təqdim edilib.
APA-nın Britaniya bürosunun verdiyi xəbərə görə, Londondakı Azərbaycan icmasının üzvləri Türkiyənin, Ukraynanın və Əfqanıstanın Britaniyadakı səfirliklərinə Azərbaycanı dəstəklədikləri üçün təşəkkür məktubu təqdim edib.
Koronavirusa qarşı tətbiq edilən qaydalar səbəbindən 6 nəfərlə məhdudlaşdırılan heyət əvvəlcə Türkiyənin Londondakı səfiri Ümit Yalçın ilə görüşüb.
Səfir Ümit Yalçın bildirib ki, Türkiyə Azərbaycanla dostluq və qardaşlığı hər zaman davam etdirəcək: “Biz bir millət, iki dövlət dedik. Azərbaycan öz dövlətini, torpağını haqsızlıqlara və işğala qarşı qoruyur. Türkiyə də özünü müdafiənin arxasında durur və durmağa davam edəcək. O vaxta qədər ki, Azərbaycanın ərazi bütövlüyünü təmin etsin”.
Səfirliyə ünvanlanan məktubda Ermənistanın 27 sentyabr səhər saatlarında cəbhə xətti boyunca yaşayış yerlərini atəşə tutduğu bildirilib. Qeyd edilib ki, atəş nəticəsində Azərbaycanın dinc əhalisi, mülki vətəndaşları, qadınlar həyatını itirib:
“Dəstəyiniz üçün, hər zaman yanımızda olduğunuza və dualarınızı əsirgəmədiyinizə görə sizə sonsuz təşəkkür edirik. Bu çətin dövrdə strateji və siyasi baxımdan qeyd-şərtsiz dəstəyiniz bizim üçün əvəzsizdir”, - deyə məktubda qeyd edilib.
Ziyarətdə iştirak edən Londonda yaşayan azərbaycanlı Şahin Vəlisoy Türkiyənin dəstəyinin Azərbaycana hər zaman nəfəs verdiyini bildirib. O, Türkiyə tərəfindən verilən dəstəyin gələcək nəsillər tərəfindən də önəmli olduğuna diqqət çəkib.
Azərbaycan icması daha sonra Əfqanıstan səfirliyinə gedərək siyasi məsləhətçi Mohammed Hanif Ahmadzai ilə görüşüb. M.Ahmadzai Azərbaycanla Əfqanıstanın tarixi dostluq münasibətlərinə toxunaraq ölkəmizə hər zaman dəstək olduqlarını bildirib.
Daha sonra isə Ukraynanın Londondakı səfirliyinin əməkdaşına təşəkkür məktubu təqdim edilib.
