Goranboyda avtomobil piyadanı vuraraq öldürüb

Goranboy rayonunda piyadanın ölümü ilə nəticələnən yol-nəqliyyat hadisəsi baş verib.

"Report"un Qərb Mərkəzinin məlumatına görə, hadisə Qızılhacılı kəndində qeydə alınıb.

Avtomobil orta yaşlı kişini (şəxsiyyəti dəqiqləşdirilir-red) vurub. Ağır xəsarət alan piyada xəstəxanaya aparılsa da, onun öldüyü məlum olub.

Fakta bağlı araşdırmalara başlanılıb.