Bu il birinci qrup üzrə imtahanlarda iştirak üçün müraciət edən 28 min 242 nəfərdən 58,9 faizi yəni, 16 min 627 nəfəri müsabiqəyə buraxılıb. Ötən il müraciət edənlərin sayı 27 min 927 nəfər olub ki, onların da 57 faizi, yəni 15 min 943 nəfəri imtahana buraxılmışdı.
Bunu onlayn mətbuat konfransında Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.
O bildirib ki, 2020-ci və 2019-cu illərdə qruplar üzrə imtahan iştirakçıları sırasından müsabiqə şərtini ödəyən abituriyentlər (150-700 bal toplayanlar) haqqında məlumatlar qurumun rəsmi saytında yerləşdirilib:
“Bu il imtahana buraxılanların sayının az olduğu vurğulansa da, statistika bunu demir. Hətta ötən il ilə müqayisədə iştirakçıların sayı 1000 nəfərə qədər artıb.
Belə ki, bu il ikinci qrup üzrə imtahanda iştirak üçün müraciət edən 13 min 023 nəfərdən 8 min 256 nəfəri (63,4%), üçüncü qrup üzrə müraciət edən 21 min 410 nəfərdən 18 min 047 nəfəri (84,3%), dördüncü qrup üzrə müraciət edən 4 min 787 nəfərdən 3 min 945 nəfəri (82,4 %) müsabiqəyə buraxılıblar”.
M.Abbaszadə onu da əlavə edib ki, ayrılan plan yerlərinin müsabiqəsində abituriyentlərlə yanaşı subbakalavrların da iştirakı nəzərə alınmalıdır:
“Beləliklə, birinci ixtisas qrupu üzrə 5 min 179, ikinci ixtisas qrupu üzrə 5 min 240, üçüncü ixtisas qrupu üzrə 2 min 853, dördüncü ixtisas qrupu üzrə 1 609 subbakalavr imtahanlarda iştirak edib”.
Şahidi olduğunuz hadisələri çəkib bizə göndərin!
Son Əlavə