UEFA Millətlər Liqası turniri çərçivəsində sabah Kipr – Azərbaycan oyunu keçiriləcək.
AFFA-nın saytının xəbərinə görə, komandamız bu gün Kiprdə məşqə çıxacaq.
Məşq prosesi Bakı vaxtı ilə saat 20:00-da oyunun keçiriləcəyi GSP stadionunda olacaq. Bunun ilk 15 dəqiqəsi mətbuat üçün açıq keçiriləcək. Məşqdən yarım saat əvvəl isə millimizin italiyalı baş məşqçisi Canni De Byazi mətbuat konfransına çıxacaq.
Kiprin belçikalı baş məşqçisi Yohan Valem isə Bakı vaxtı ilə saat 13:00-da mətbuat konfransına çıxacaq. Saat 21:45-də isə meydan sahibi komanda oyun öncəsi son məşqini keçirəcək.
Qeyd edək ki, hər iki komanda qrupdakı ilk oyununu öz meydanında keçirsə də, uduzub. Bu görüş sabah Bakı vaxtı ilə saat 22:45-də başlayacaq.
Şahidi olduğunuz hadisələri çəkib bizə göndərin!
Son Əlavə