"OPEC+" ölkələrinin danışıqları uğursuzluqla nəticələnib » Median.Az - Bütün xəbərlər bir ünvanda
16:11 Respublika Hərbi Prokurorluğunda YENİ TƏYİNAT  |     15:54 DTX və DSX Azərbaycan-İran sərhədində əməliyyat keçirib  |     15:34 Hərbi qulluqçuların təhsillə əlaqədar sərəncamda olma müddətlərinə dəyişiklik edilir  |     15:27 Zərdabda yanğın törədən şəxs məsuliyyətə cəlb olundu  |     15:26 Ata həbsdə olan oğluna tərliyin içində narkotik keçirmək istədi  |     15:25 Zabitlərin ehtiyata buraxılma müddəti yeni qaydada müəyyənləşəcək  |     15:18 Məşhur general işdən azad edildi  |     13:29 Samuxda teplovoz yandı  |     13:21 İrandan Azərbaycana PUA ilə narkotik keçirilməsinin qarşısı alındı  |     13:16 Xırdalanda 19 yaşlı oğlan həmyaşıdını qətlə yetirdi  |     13:10 Tikilməkdə olan məktəb binasından oğurluq etdi  |     13:01 Qanunsuz saxlanılan silah-sursat aşkarlandı  |     12:56 Cinayətdə şübhəli bilinən 25 nəfər saxlanıldı  |     12:50 Hindistanda 20 sərnişin diri-diri yanaraq öldü  |     12:49 “Sədərək”dəki sahibkarlar nə istəyir? - VİDEO  |     12:27 Ermənistanda din xadimləri arasında həbslər davam edir  |     12:17 On bir il əvvəl arvadını öldürdü: Həbsdən çıxıb onunla münasibətlərindən şübhələndiyi kişini qətlə yetirdi  |     12:05 Ramiz Mehdiyevin ailə bankı ciddi zərər görüb  |     11:59 Bakıda istixanada güclü yanğın  |     11:58 Yasamalda mənzildə meyit tapılıb  |    

"OPEC+" ölkələrinin danışıqları uğursuzluqla nəticələnib

"OPEC+" (Neft İxrac Edən Ölkələr Təşkilatı (OPEC) və təşkilata daxil olmayan ölkələri əhatə edən neft istehsalının azaltması üzrə təşəbbüs) ölkələrinin Vyana keçirilən rəsmi iclası zamanı aparılan danışıqlar uğursuzluqla nəticələnib.

"APA-Economics" bu barədə TASS-a istinadən xəbər verir.

Buna baxmayaraq, iclas işini hələ davam etdirir.

Qeyd edək ki, sözügedən iclasda Azərbaycanı Energetika naziri Pərviz Şahbazov təmsil edir.

Xatırladaq ki, bu gün rəsmi görüşünün başlamasından öncə Rusiya koronavirusla əlaqəli vəziyyətə cavab olaraq neft hasilatını bir qədər də da azaltmaq təklifini qəbul etməyib. Rusiya hazırkı razılaşmanı sadəcə cari ilin II rübünün sonunadək uzatmağa hazır olduğunu bildirib. Rusiyanın Energetika naziri Aleksandr Novak bu gün rəsmi iclas başlamazdan əvvəl həmkarları ilə qeyri-rəsmi danışıqlar aparıb. Rusiyanın nümayəndə heyəti üçün əsas ssenari yenə də görüşün nəticələrinə görə razılığa gəlməkdir.

OPEC ölkələrinin təşkilatın rəsmi iclasından sonra "OPEC+" təşəbbüsü çərçivəsində bu ilin sonuna kimi gündəlik neft hasilatının daha 1,5 mln. barel azaldılmasını tövsiyə ediblər.

Qeyd edək ki, OPEC ölkələri qurumun rəsmi iclasından sonra "OPEC+" təşəbbüsü çərçivəsində bu ilin sonunadək gündəlik neft hasilatını daha 1,5 mln. barel azaldılmasını tövsiyə edib.

Xatırladaq ki, "OPEC+" Texniki Komitəsi iştirakçı ölkələrə koronavirusun (COVID-19) təsirini aradan qaldırmaq məqsədi ilə bu ilin II rübü üçün gündəlik neft hasilatını əlavə 1 mln. barel azaltmağa tövsiyə edib. Komitə neft hasilatının azaldılması üzrə mövcud kvotanın 2020-ci ilin sonunadək uzadılmasını nəzərdən keçirməyi də tövsiyə edib.

Əlavə etmək lazımdır ki, 2019-cu ilin 6 dekabr tarixində Vyanada keçirilən OPEC-ə üzv və qeyri-üzv dövlətlərin nazirlərinin VI görüşündə 2020-ci ilin I rübündə gündəlik neft hasilatının daha 500 min barel azaldılması ilə bağlı qərar qəbul olunub. Bununla da "OPEC+" üzrə gündəlik neft hasilatının azaldılması ilə bağlı öhdəlik 1,7 mln. barelə çatdırılıb. Hasilatın azaldılması ilə bağlı əlavə həcmlərin bölünməsi "OPEC+" ölkələri arasında proporsional qaydada aparılıb.

Dünya neft bazarının tənzimlənməsi prosesinə dəstək məqsədilə Azərbaycan da hasilatın əlavə həcmlərdə azaldılması ilə bağlı yeni razılaşmaya qoşulub. Azərbaycan müvafiq olaraq gündəlik neft hasilatını 20 min bareldən əlavə 7 min barel də azaldacaq. Beləliklə, öhdəliyi 27 min barelə yüksələn Azərbaycan 2020-ci ilin yanvar ayından etibarən gündəlik hasilatı 769 min barel həcmində saxlamalıdır.скачать dle 11.3




Şahidi olduğunuz hadisələri çəkib bizə göndərin!




            1 614 06.03.20 19:47