İmişlidə 2 yol-nəqliyyat hadisəsi baş verib, 2 nəfər xəsarət alıb

İmişlidə yol-nəqliyyat hadisələri zamanı 2 nəfər xəsarət alıb.

APA-nın məlumatına görə, “VAZ 2107” markalı avtomobil yolu keçən İmişli rayonu Qaralar kənd sakini, 1996-cı il təvəllüdlü Səmədov Şəmistan Alim oğlunu vurub.

Piyada müxtəlif xəsarətlərlə İmişli Rayon Mərkəzi Xəstəxanasına yerləşdirilib.

Digər hadisə isə nəqliyyat vasitələrinin toqquşması ilə baş verib.

İmişli sakini, 1992-ci il təvəllüdlü Quliyev Orxan Əhməd oğlunun idarə etdiyi “VAZ 2107” markalı avtomobillə İmişli sakini, 1974-cü il təvəllüdlü Bayramov Habil Yalı oğlunun idarə etdiyi “İJ” markalı motosikletlə toqquşub.

Sonuncunun sürücüsü müxtəlif dərəcəli xəsarətlərlə İmişli Rayon Mərkəzi Xəstəxanasına yerləşdirilib.

Hər iki faktla bağlı araşdırmalar aparılır.скачать dle 11.3

Şahidi olduğunuz hadisələri çəkib bizə göndərin!