Tovuzda ustanın faciəli şəkildə ölüm anı - VİDEO

Fevralın 19-da Tovuzda baş verən bədbəxt hadisənin görüntüləri yayılıb.

APA TV-nin yerli bürosunun məlumatına görə, hadisə rayonun Əyyublu kəndində qeydə alınıb.

Yol kənarındakı təkər təmiri sexində işləyən 52 yaşlı İlham Əlirzayev ağır tonnajlı yük avtomobilinin təkərini təmir edərkən şin partlayıb. Partlayış zamanı onun başı dəmir dirəyə çırpılıb. Nəticədə o, baş nahiyəsindən aldığı xəsarətlərdən yerindəcə vəfat edib.

Faktla bağlı araşdırma aparılır.