Azərbaycanlı həkimin koronavirus səhvi TƏŞVİŞ YARATDI

İstanbul Universitetinin Tibb fakültəsinin xəstəxanasına yüksək hərarətlə yerləşdirilən 6 yaşlı çinli uşaqda koronavirus şübhəsinin olması Türkiyənin Səhiyyə Nazirliyi tərəfindən təkzib edilib.

Hadisəyə səbəb azərbaycanlı qadın həkimin kompüterdə buraxdığı səhv olub.

Milli.Az xəbər verir ki, məlumatda bildirilib ki, azərbaycanlı həkimin köməkçisi xəstəxananın qeydiyyat sisteminə "Ön diaqnoz" yerinə "Dəqiq diaqnoz: Koronavirus" deyə qeyd edib. Halbuki xəstənin üzərində edilən ilk testin nəticəsi neqativ çıxıb. (publika.az)