Salyanda velosipedçi kişini avtomobil vurub

Salyan rayonunda bir nəfərin xəsarət alması ilə nəticələnən yol-nəqliyyat hadisəsi baş verib.

Report xəbər verir ki, hadisə bu gün axşam saatlarında köhnə Ələt-Astara yolunda, Bayraq meydanının yaxınlığında qeydə alınıb.

Belə ki, Salyan şəhər Tale Davudzadə küçəsində yaşayan, 1955-ci il təvəllüdlü Əsədov Qədmşah Əsəd oğlu velosipedlə hərəkətdə olarkən onu minik avtomobili vurub.

Qapalı kəllə-beyin travması alan yaralı Salyan Mərkəzi Rayon Xəstəxanasında reanimasiya şöbəsinə yerləşdirilib.

Faktla bağlı araşdırma aparılır.