Bu gün AFFA-nın növbədənkənar Konfransı keçirilib.

Səs vermək üçün 35 nümayəndədən 33-ü konfransa qatılıb.

Konfransın gündəliyində duran əsas məsələ AFFA-nın Nizamnaməsinə edilmiş dəyişiklik və əlavələr olub. AFFA-nın Hüquq Şöbəsinin nümayəndəsi Günel Zamanlı dəyişiklik və əlavələr barədə məlumat verib. O bildirib ki, bu dəyişikliklər üzvlər tərəfindən gələn təkliflərə əsasən edilib.

Dəyişikliklərdə AFFA-nın İcraiyyə Komitəsinin üzvlərinin sayının artırılması nəzərdə tutulub. İndi 11 yox, 13 üzv olacaq. Həmçinin, AFFA-da bundan sonra dörd vitse-prezident olacaq. I vitse-prezident vəzifəsi ləğv edilib. Əvəzində icraçı vitse-prezident vəzifəsi təsis olunub. Həmçinin, AFFA prezidenti və icraçı vitse-prezidentin səlahiyyətlərinin həcmi müəyyənləşdirilib.

İndi AFFA prezidenti səlahiyyətlərini icraçı vitse-prezident həyata keçirmək hüququna malikdir. İcraiyyə Komitəsində AFFA prezidenti iştirak etmədiyi halda, icraçı vitse-prezident onu əvəzləyə bilər. Birdən artıq sayda kluba nəzarət qaydası UEFA-nın Nizamnaməsinə uyğunlaşdırılıb.

Nizamnaməyə əlavə və dəyişikliklər Konfrans üzvləri tərəfindən yekdilliklə qəbul edilib.
/oxu.az/скачать dle 11.3