Yevlaxda qısqanclıq zəminində qonşusunu öldürməyə cəhddə təqsirli bilinən Həsən Cəfərovun cinayət işi üzrə ibtidai istintaq başa çatıb.

Median.Az xəbər verir ki, cinayət işinin materialları baxılması üçün Şəki Ağır Cinayətlər Məhkəməsinə göndərilib.

Cinayət işi hakim Rəşid Hüseynovun icraatına verilib.

Qeyd edək ki, hadisə bu il rayonun Malbinəsi kəndində baş verib. Kənd sakini, 23 yaşlı Cəfərov Həsən Ələsgər oğlu qısqanclıq zəminində həmkəndlisi, 53 yaşlı Məmmədov Emin İsmət oğlu ilə mübahisə edib. Mübahisə nəticəsində H.Cəfərov üzərində gəzdirdiyi bıçaqla E.Məmmədovun baş, qarın və sinə nahiyəsinə 8 bıçaq zərbəsi endirərək onu öldürməyə cəhd edib.
H.Cəfərov E.Məmmədovun öldüyünü zənn edərək hadisə yerindən uzaqlaşıb və könüllü şəkildə Yevlax Rayon Polis Şöbəsinə gəlib, törətdiyi cinayət barədə məlumat verib. O hadisəni qısqanclıq zəminində törətdiyini deyib.

Faktla bağlı Yevlax Rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsilə cinayət işi başlanıb.//ölkə.azскачать dle 11.3