Universitetlərin kafedra müdiri olan məmur və deputatlar - SİYAHI » Median.Az - Bütün xəbərlər bir ünvanda
23:02 Kanada ABŞ-a tarifləri ləğv etdi  |     22:56 Yanlış ayaqqabı istifadəsi ayaq sağlamlığını təhlükə altına alır  |     22:45 İş masasına həbs qoyulan baş həkim vəzifəsindən gedib - Borc 200 mini ötüb  |     22:39 Yumurta bahalaşıb, yoxsa ucuzlaşıb? - Fakt və ekspert rəyi  |     22:31 "Qarabağ" "Sumqayıt"a uduzdu  |     22:24 Markov Azərbaycana görə xarici agent elan edilib? - Özü AÇIQLADI  |     22:17 İranda terror aktı törədildi - Beş polis öldü  |     22:08 1200-dən artıq abidəyə məlumat lövhəsi quraşdırılacaq  |     22:00 Bank kartlarından silsilə oğurluqlar edənlər saxlanıldı  |     21:48 Ermənistanın hücumları nəticəsində məcburi köçkün düşmüş şəxslər məhkəmədə ifadə veriblər  |     21:33 Neftçala və Tovuzda ağaclar qanunsuz kəsilib, təbiətə 28 min manatdan çox ziyan dəyib  |     21:28 Abşeronda boya sexində baş verən yanğında 6 nəfər tüstüdən zəhərlənib  |     21:21 Vətəndaşları İraqdakı ziyarətgahlara aparmaq adı ilə aldadan şəxs həbs olunub  |     21:15 Hakerlər İranın onlarla neft tankerinin sistemlərini sıradan çıxarıb  |     21:09 İlin ilk altı ayında Azərbaycanda 132 təbii mənşəli hadisə baş verib, 6 nəfər ölüb  |     21:02 Füzulidə Türkmənistanın hədiyyəsi olan məscid tikiləcək  |     20:57 Lukaşenko: Belarus Putin və Zelenski arasında danışıqların təşkilatçısı olmağa can atmır  |     20:52 "Mançester Yunayted" yeni qapıçı transfer edir  |     20:46 Şri-Lankanın keçmiş prezidenti həbs edilib  |     20:41 Bakının İslam Səfərli küçəsinin piyadalaşdırılmasına başlanılır  |    

Universitetlərin kafedra müdiri olan məmur və deputatlar - SİYAHI

Dövlət strukturlarında çalışan bir sıra yüksək çinli məmurlar, eləcə də, bəzi deputatlar paralel olaraq elm və təhsil sahəsində də işləyirlər. Universitetlərdə işləyən məmur və deputatların bir çoxu kafedra müdiri kimi fəaliyyət göstərirlər.

Onların buna necə vaxt çatdırdığı başqa yazının mövzusudur.

Modern.az universitetlərdə kafedra müdiri vəzifəsini tutan məmur və deputatların kimlər olduğunu araşdırıb.

Bakı Dövlət Universitetində (BDU) digər ali məktəblərə nisbətdə kafedra müdirləri olan məmur və ya deputat daha çoxdur.

Sabiq Təhsil naziri, AMEA-nın Riyaziyyat və Mexanika İnstitutunun direktoru Misir Mərdanov hazırda BDU-da Ali riaziyyat kafedrasının müdiridir.

Mərkəzi Seçki Komissiyasının sədri Məzahir Pənahov Ümumi fizika və fizikanın tədrisi metodikası kafedrasının müdiridir.

Ailə, Qadın və Uşaq Problemləri üzrə Dövlət Komitəsinin sədri Hicran Hüseynova da BDU-da vəzifə tutan məmurlar sırasına daxildir – o, Diplomatiya və müasir inteqrasiya prosesləri kafedrasının müdiridir.

Baş nazirin müavini, hakim Yeni Azərbaycan Partiyasının sədr müavini - icra katibi Əli Əhmədov BDU-da Politologiya və sosiologiya kafedrasının müdiri vəzifəsində də çalışır.

BDU-da kafedra müdiri olan xeyli deputat var. Belə ki, Milli Məclisin birinci vitse-spikeri Ziyafət Əsgərov Konstitusiya hüququ, deputat Yaqub Mahmudov Qədim dünya və orta əsrlər tarixi, deputat Nizami Cəfərov Ümumi dilçilik, deputat Bəxtiyar Əliyev isə Psixologiya kafedrasının müdiridir.

Bakı Slavyan Universitetinin mətbuat xidmətinin rəhbəri Mənsur İbrahimov bildirib ki, onlarda vəzifə tutan iki deputat var: Sahibə Qafarova Beynəlxalq əlaqələr üzrə prorektordur, xanım deputat filologiya üzrə elmlər doktoru, professordur. Deputat Sevinc Fətəliyeva isə İngilis filologiyası kafedrasının müdiridir.

Azərbaycan Dövlət Neft və Sənaye Universitetinin İctimaiyyətlə əlaqələr və marketinq departamentinin direktoru Bəhruz Nəzərov bildirib ki, deputat Hüseynbala Mirələmov Neftin, qazın nəqli və saxlanılması kafedrasının müdirdir. Professor və texnika elmləri doktorudur.

Azərbaycan Dövlət İqtisad Universitetinin mətbuat xidmətinin rəhbəri Elnarə Məmmədovanın sözlərinə görə, eks-nazir Əli Abbasov Rəqəmsal iqtisadiyyat və İKT kafedrasının müdiridir. Eks-maliyyə naziri, BMT-nin “Sülh səfiri” Əvəz Ələkbərov “Maliyyə və maliyyə inistutları” kafedrasının müdiridir. Onların heç biri hazırda məmur statusu daşımır.

Bakı Ali Neft Məktəbi mətbuat xidmətinin əməkdaşı Zöhrab Süleyman qeyd edib ki, ali məktəbdə məmur fəaliyyəti ilə məşğul olan və ya deputat mandatı daşıyan kafedra müdiri yoxdur.

Azərbaycan Memarlıq və İnşaat Universitetinin mətbuat katibi Nəcibə Mirzəyəva vurğulayıb ki, Baş nazirin birinci müavini Yaqub Eyyubov İnşaat fakültəsindəki Qruntların mexanikası, bünövrələr və özüllər, yeraltı qurğular kafedrasının müdiridir.

Azərbaycan Dillər Universitetinin mətbuat xidmətinin əməkdaşı Cavid Zeynallının sözlərinə görə, kafedra müdirlərindən heç biri məmur və ya deputat kimi fəaliyyət göstərmir.

Azərbaycan Texniki Universitetinin mətbuat xidmətinin rəhbəri Qəzənfər Həmidoğlu bildirib ki, deputat Rüfət Quliyev İqtisadi nəzəriyyə və xidmət sahələrinin iqtisadiyyatı kafedrasının müdiridir. İqtisad elmləri doktoru, professordur.

Sumqayıt Dövlət Universitetinin mətbuat və ictimaiyyətlə əlaqələr xidmətinin müdiri Nazxanım Cəlilli qeyd edib ki, universitetdə kafedra müdirləri arasında ikinci bir işlə məğul olan şəxs yoxdur. Onlar yarımştat müəllim və kafedra müdiri kimi fəaliyyət göstərirlər.скачать dle 11.3




Şahidi olduğunuz hadisələri çəkib bizə göndərin!




            1 400 08.11.19 15:24