Median.Az xəbər verir ki, Nəsimi RPİ 22-ci polis şöbəsinin əməkdaşları tərəfindən sentyabrın 28-də rayon ərazisindəki bir avtomobildən mobil telefon oğurlayan Abşeron rayon sakini, əvvəllər məhkum olunmuş Rəşad Rəhimov saxlanılıb.
Araşdırma zamanı, onun CM-nin 178-ci (dələduzluq) maddəsi ilə axtarışda olması müəyyən edilib.
Bundan başqa, 22-ci polis şöbəsinin əməkdaşları keçirdikləri əməliyyat-axtarış tədbirləri nəticəsində Bakı şəhər sakini Elmir Mirzəyevi saxlayıblar. Məlum olub ki, o Neftçilər prospektində, Qusar rayon sakini V.Balakişiyevin velosipeddən asırdığı çantadan, içərisində 2660 manat olan pulqabısını oğurlayıb.
Nəsimi RPİ 19-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazadan 4000 manat dəyərində əntiq əşyalar oğurlayan Bakı şəhər sakinləri Elvin Mərdiyev saxlanılıb, daha 1 nəfərin isə şəxsiyyəti müəyyən edilib.
Xəzər RPİ 1-ci polis şöbəsinin əməkdaşları keçirdikləri əməliyyat-axtaırş tədbirləri nəticəsində oktyabrın 8-də rayon ərazisindəki evlərin birindən oğurluğa cəhd göstərən Bakı şəhər sakini, əvvəllər məhkum olunmuş Elnur Yaqubovu saxlayıblar. Araşdırma zamanı, onun sentyabr ayı ərzində Binə qəsəbəsindəki 2 evdən ümumilikdə 900 metr elektrik naqili oğurlaması müəyyən edilib.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb, istintaq aparılır.
Şahidi olduğunuz hadisələri çəkib bizə göndərin!
Son Əlavə