Bakıda Leyla Əliyevanın iştirakı ilə növbəti abad həyətlər sakinlərin istifadəsinə verilib » Median.Az - Bütün xəbərlər bir ünvanda
18:19 Xankəndi və Ağdərənin keçmiş qondarma “merləri” Ermənistanda tutuldu  |     18:00 Nazirliyin keçmiş əməkdaşı yenidən məhkəməyə üz tutdu  |     17:53 Gəncədə oğurluq etməkdə şübhəli bilinən şəxslər saxlanılıblar  |     17:48 AAYDA ilə vətəndaş arasında torpaq qalmaqalı  |     17:40 İranın qərbində qaz kəməri partlayıb, ölənlər var  |     17:32 30 yaşlı kişiyə ərə veriləcəyi deyilən doqquzuncu sinif şagirdi ilə bağlı RƏSMİ AÇIQLAMA  |     17:18 Ermənistan Azərbaycanla sərhəddə müşahidə məntəqələri tikir  |     17:16 Azərbaycan paraatleti: "Dördqat dünya çempionu olmaq mənim üçün qürurvericidir"  |     17:05 DİN-dən ƏMƏLİYYAT: Maşın oğrularının saxlanılma görüntüləri - FOTO/VİDEO  |     17:00 Nərgiz Absalamovanın həbs müddəti uzadıldı  |     16:18 Azərbaycan manatının dövretmə sürəti azalıb  |     16:10 Rusiya son vaxtlar niyə atəşkəs istəyir? - ISW izah edir  |     16:03 Tanınmış idmançıların ilkin istintaqı bitdi  |     15:57 "Eurolux"un rəhbəri və qardaşı oğlu niyə bıçaqlanıb? - 500 minlik oğurluq işi...  |     15:46 Əhaliyə xəbərdarlıq - Bu günlərdə telefonla danışmayın  |     15:39 Deputata sui-qəsd cəhdi ilə bağlı məhkəmədə: Fazil Mustafaya sui-qəsd üçün 30 min dolların az olduğunu dedi  |     15:31 "Qarabağ"ın futbolçusu Kamerunla oyun üçün milliyə çağırıldı  |     15:26 Bakıda sotu bir milyon manata torpaq sahələri satılır (VİDEO)  |     15:10 İlhamə Quliyeva ilə bağlı ŞOK İDDİA - Oğlunu universitetdən və işlədiyi şirkətdən qovdurub - VİDEO  |     15:06 Əmlak kirayə verib və ya alarkən ehtiyatlı olun - Ekspertdən xəbərdarlıq  |    

Bakıda Leyla Əliyevanın iştirakı ilə növbəti abad həyətlər sakinlərin istifadəsinə verilib

“Yaşıl dünya naminə həmrəylik ili” çərçivəsində Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyevanın təşəbbüsü ilə Bakı şəhəri Xətai rayon Rahib Məmmədov küçəsi 4. 4a. 15q. və Cavanşir küçəsi 7 və 9 saylı ünvanlarında 2200-dən çox sakinin yaşadığı çoxmərtəbəli binaları əhatə edən həyətlər abadlaşdırılaraq sakinlərin istifadəsinə verilib.

Aprelin 16-da baş tutan açılış mərasimində iştirak edən Leyla Əliyeva tədbir çərçivəsində keçirilən kütləvi ağacəkmə aksiyasında iştirak edib, həyətin azyaşlı sakinlərinə hədiyyələr təqdim edib.

Qeyd edək ki, “Bizim həyət” layihəsinin əsas məqsədi paytaxt ərazisində həyətlərin ekoloji cəhətdən təmiz və abad olması, yaşıllıqların bərpası, mənalı istirahət mühitinin formalaşdırılması, sakinlər üçün təhlükəsiz və rahat yaşam şəraitinin yaradılmasıdır. Abadlaşdırılan həyətlərdə sağlamlıq imkanları məhdud insanların rahat hərəkəti nəzərə alınıb, bütün yaş qrupları üzrə uşaqların inkişafı üçün əlverişli şəraitin yaradılması, gənclərin asudə vaxtlarının səmərəli təşkili və onlarda idmana marağın artırılması məqsədilə ərazidə süni örtüklü futbol stadionu, şahmat meydançası, müxtəlif idman qurğuları, uşaqlar üçün oyun meydançaları salınıb. Eyni zamanda, həyətyanı sahələrdə beş söhbətgah, çoxsaylı oturacaqlar, quş yuvaları və pişik evləri quraşdırılıb. Bundan əlavə, həyətlərdə yeni işıqlandırma dirəkləri, müşahidə kameraları quraşdırılıb, binaların fasad və blokları tam təmir olunub, asfalt və dam örtüyü, elektrik xətləri yenilənib.

Həyətlərin ərazisindəki mövcud yaşıllıqların bərpası ilə yanaşı, müxtəlif növ 1680 ağac, 19 min 256 kol bitkisi əkilib, 8549 kvadratmetr ərazidə yaşıllıq zolağı salınıb. Bununla yanaşı, həyətin ətrafında sıx bitən və havanın çirklənməsinin qarşısını almaq məqsədilə adi daşsarmaşığı və digər sarmaşan bitkilər əkilərək “yaşıl sədlər” yaradılıb.

Məlumat üçün bildirək ki, “IDEA” İctimai Birliyinin təsisçisi və rəhbəri Leyla Əliyevanın təşəbbüsü ilə 2017-ci ildən etibarən icra olunan “Bizim həyət” layihəsi çərçivəsində bu günədək 152 ümumi yaşayış sahəsi abadlaşdırılaraq sakinlərin istifadəsinə verilib.

Xüsusi olaraq qeyd edək ki, “IDEA” İctimai Birliyi həyətlərin abadlaşdırılması və yenidənqurma işlərinin aparılması istiqamətində sakinlərin təklif və müraciətlərini İctimai Birliyə təqdim etməyə çağırır. Müraciətlərinizi “IDEA” İctimai Birliyinin qaynar xətti “1113” və ya e-mail ünvanına (info@ideacampaign.org) göndərməyiniz xahiş olunur.скачать dle 11.3




Şahidi olduğunuz hadisələri çəkib bizə göndərin!




            222 16.04.24 20:18