Rusiya Federasiyasının Xalq artisti Nikolay Tsiskaridzenin oğlu olduğunu iddia edən azərbaycanlı Timur Əkbərov Rusiyanı tərk etmək qərarına gəlib.
Qalmaqaldan bezən 19 yaşlı gənc Bakıya qayıdır.
Bu barədə “Teleproqramma.pro” xəbər yayıb.
Qeyd edək ki, 2019-cu ilin payızında Azərbaycandan olan 19 yaşlı Timur Zayr-oğlu Əkbərov özünü Rusiya Federasiyasının Xalq artisti Nikolay Tsiskaridzenin nikahdankənar oğlu olduğunu elan edib. Gənc bu iddiasını anasında tapılan sənədlərə və xareoqrafla olan zahiri bənzərliyi ilə əsaslandırıb.
Sonra Timur Moskvaya gələrək Tsiskaridze ilə görüş və DNT testi tələb edib.
Maraqlıdır ki, Nikolay Tsiskaridze bu xəbərlərə reaksiya verməyib və Timurla görüşməyib. Dekabr ayında Timur şoumen Stas Baretski tərəfindən döyüldüyünü və həkimlərin onda xərçəng müəyyən etdiyini bildirdi.
O, Tsiskaridzeni müalicə haqqını ödəməyə məcbur etmək üçün məhkəməyə getməyi planlaşdırırdı. Ancaq sonra gənc anasının bütün sənədləri məhv etdiyini bildirərək, məhkəməyə getmək barədə fikrini dəyişdiyini bildirdi.
“Bu da son. Mən məhkəməyə sənədlərimi verə bilmərəm. Anam atalığın müəyyənləşməsi üçün toplanan bütün sənədləri ayaqyolunda yandırdı. Onları çətinliklə yığmışdım, vəkillə ora-bura sürünmüşdüm”, - deyə Əkbərov portala bildirib.
Bütün bu hadisələrdən sonra Timur Əkbərov vətəninə qayıtmaq qərarına gəlib və iki həftə sonra Bakıya həmişəlik yollanacağını bildirib.
Qeyd edək ki, Nikolay Tsiskaridze Rusiyada ən məşhur balet rəqqaslarından biridir. Bir çox həmkarları kimi, o da bütün həyatını səhnəyə həsr edib, buna görə həyat yoldaşı və övladı yoxdur.
Şahidi olduğunuz hadisələri çəkib bizə göndərin!
Son Əlavə